عبارات عن الشهيد , كلمات عن شهيد مصر , عبارات جميلة عن شهداء مصر 25 يناير

دمك ياشهيد.. لايوم هايجف ..

الشمعه تقيد.. وجروحنا تخف

الشعب اتهان من ده ومن ده ..

وعم سليمان يقولك اجنده

احزن عليه ولا احزن على الكبير ..

اللى قاعد فوق وحادفنا فى بير

انا حزني وطنى .. وهمى وطنى ..

مش حزب وطنى .. اللى سارق وطنى

ارحل بخوفنا وخد معاك جمال..

ولا اكنا شفنا .. خيول او جمال

انا عاوزه يغور .. والكل كذلك ..

بالحزب بتاعه ونظامه الهالك

او اقولك ..خليك ..هانحط عليك ..

فى ميدان تحرير ..ونحجز مالك

الشعب خلاص.. طلب الخلاص ..

فارقنا وارحل وانفد من سؤالك

بلادى مصر حرة ..ماتقولش ارحل ليه؟..

هى حرة.. وحرة بلادي

هاتحافظ على الامين.. مهما فقره كان..

ويسقط اللى خان.. وتطرد الاعادي