كلمات شيلة يالهجر والله مانبغاك – غريب ال مخلص
يالهجر والله مانبغاك
.. ليتك تفارق وتعفيني
يكفيني اللي على ممشاك
.. سير خطاه ويجافيني
انثر دموعي على طرياك
.. يا الخل طالت بي سنيني
والروح تسعى ورى لقياك
.. ياليت مثلك به اثنيني
لان كان نبدي على مغزاك
.. وندل دربك على ويني
لكن مامثلك و شرواك
.. حبك سكن في شراييني
وامسيت تايه على ماطاك
.. اللي يضيع ويهديني
عجزت وأنا على شدواك
.. ماكنك إلا تناديني
لازلت في سيرتك واهواك
.. والليل عيا يخاويني
ايقول مقوى على مسراك
.. مدري على وين حاديني
روح وأنا راقب لمبداك
.. وأقول ذلحين يجيني
احس في همسك ونجواك
.. وأجر صوتي وتلحيني
لعل صوتي يجيب مناك
.. ويحن قلبك وتاويني
واجمع يمينك مع يسراك
.. واذبحك يا الهجر بيديني
يالهجر والله مانبغاك
.. ليتك تفارق وتعفيني