اطعن بحــد العيون السود من قدك

اطعن بحــد العيون السود من قدك

ان كان لك دين خل العــين تستافي

ماهو غــــــريب عليك ولا علي ودك

كثـــــرت في الطعون ورحت متعافي

تاخذك الايام وتـــوديك وتــــردك

يخونك الوقت وتعـــود علي الوافي

ياطـــــول ركضي وراك وياكثر صدك

ماكنك اللي ســـلبت العقل ياكافي

محـــــلك القلب كان ان الغلا شدك

من غفلة الشوق صـح النوم ياغافي

اخــــر علومـك يقولون الجفا حدك

وشــــلون دليت درب الوصل ياجافي

هــــذي هي اوراق شعري تحتري ندك

من غيبتك والدفـــاتر بيض وعجافي

كانك علي الشوفه اللي شفت من جدك

يا كبر فرحتك لـو تدري عن الخافي

تاكــــد ان المشاعر ما تقف ضـدك

لا خانها البرد ترجي صوتك الـدافي

لو راح بي جــزر غيرك جـابني مدك

لا هــــب طاريك بشراعي ومجــدافي

تشــــوقني لا لبسـت من الـوفا قدك

مالي عــذر عن وفاك وزينك الصافي

الليل قطـــعت ســواد ولا كسا خدك

والشـمس ما غـيرت من ليلك الضافي

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق