من يطمنـــــــــــــــــــي

من يطمنـــــــــــــــــــي

من يطمن خافقي عن أريش العين
ويقول له خله ترى قرب مماته

ويقول له ان حالتي من شين في شين
ويقول له من قسوتك راحت حياته

ويخبّـره ان صار لي بالهم يومين
همي أعرف ان كان يدعي لي بصلاته

أو من سواتي يحترق ما بين نارين
نار الفراق ونار من عشّاق جاته

تعبت من جور الصبر وأقول بعدين
الين يهدا 00 وادري ان وصلي مناته

أثري بحلمي غارق وله بالهوى دين
والدين مأقوى يا عرب أقضي وفاته

قال الوادع وقلت له يا سيدي زين
ودمعي نزل وبلت كفوفي اعبراته

غلطه00 صحيح ما أقصد ولكن على وين
وصّـلت قدري عنده لأدنى غلاته

مسحت كل اللي بنينا بيننا البين
وأنهيت نفسي ونفس من روحي فداته

اوّاه ثم أوّاه ذابحني جفا الزين
وأدري بهالدنيا أبد مالقا شراته

كنا أحبه بالهوى ما زينا اثنين
أروع هوى بالكون00 الله وش حلاته

قلبي وقلبه لا حشا ماهم بقلبين
هو نبض قلبي وكنت له نبضه وذاته