عاشق .. ومغرم ..

عاشق .. ومغرم ..

أنا العاشق أنا المغرم .. أنا اللي حيل أتألم

أنا اللي شاف في دنياه .. غرابـيل وأسى وعلقم

ولأني عاشق ومغرم .. طبـيعي لجلك أتألم

أنا دمعة طفل محزون .. أنا صرخة غريـب الكون

أنا اللي نصف حظي ضاع .. ونصفي الثاني حزن وشجون

ولأني عاشق ومغرم .. طبـيعي لجلك أتألم

أنا لا شافني مجنون .. بكى وإزداد جنونه جنون

ودعى يا ناس من قلبه .. كان الله لك بالعون

ولأني عاشق ومغرم .. طبـيعي لجلك أتألم

أنا صفحة بدون أفراح .. أنا اللي دوم ما أرتاح

وإذا حاولت أنسى الهم .. تجدد بالخفوق جراح

ولأني عاشق ومغرم .. طبـيعي لجلك أتألم

أنا قصة فرقى وندم .. طفل ٍ صغير يـبكي الألم

لاهو لقى من يفهمه .. ولاهو عرف ليش إنحرم

ولأني عاشق ومغرم .. طبـيعي لجلك أتألم

أنا حبـيت قبل أكبر .. وصار الحب يزيد أكثر

وإذا فكرت في وضعي .. لقيت إني بنظرتي أصغر

ولأني عاشق ومغرم .. طبـيعي لجلك أتألم

غريـبه دورة الأيام .. نعيش فيها بأمل وأوهام

ورغم كل ما يجري .. نصدق كل هالأحلام

ولأني عاشق ومغرم .. طبـيعي لجلك أتألم

زمان الذل يا غدّار .. زمان فيه تضيع .. تحتار

يا ليت اليوم تـنساني .. وأنا بأنساك مهما صار

ولأني عاشق ومغرم .. طبـيعي لجلك أتألم

ولأن نفسي عزيزة بجد .. أبد من جد ما أشكي لحد

بس إني حبـيت أقول .. ياويل اللي يحب من جد

ولأني عاشق ومغرم .. طبـيعي لجلك أتألم

مقالات ذات صلة

زر الذهاب إلى الأعلى