يا عشيري
يا عشيري
ياعشيري .. وش علامك تنكرالحب القديم
وش علامـك ذيـك الايـام القديـمـة خنتـهـا
والله إنـي حافـظ العشـرة وفـي حبـك مقيـم
والمحبـه لجـل عينـك فـوق راسـي شلتهـا
ياعشيـري بالمحبـة كنـت اقـول انـك فهيـم
مادريـت انـك هـواوي كــل طـرقـة جيتـهـا
غرك الحب (المطوّر) وانت بالدنيـا غشيـم
طحت في مـوج البحـر يـوم المحبـة هنتهـا
دلّعوك اهل المصالح يوم قالوا00 ياوسيـم
وا نجرف قلبـك وراهـم والوعـود اوفيتهـا
ياعشيـري روح فـي دربـك تهـنّـا بالنعـيـم
خلـنـي فـــي ذكـريــات الـحــب مامليـتـهـا
نـار حبـك وسـط قلبـي مثـل نـارٍ بالهشـيـم
كـيـف تطـفـا نــار قلـبـي بعـدمـا شبيـتـهـا
وسهمك اللي ملتهب صابني جوف الصميم
أحرقتـنـي نــار حـبــك وانـــت ماطفيـتـهـا
مـن سبايبكـم حياتـي كنهـا فــوق الجحـيـم
والـدمـوع الغالـيـة مـــن سـبـتـك هليـتـهـا
لاتعذّر .. لاتندّم … لاتقـل .. والله العظيـم
عـذركـم مــا نقبـلـه دام الخـطـيـة شفـتـهـا
لافقدنا الريـم نلقـى فـي دروب الحـب ريـم
مـن جـديـد ابـنـي المحـبـة بعـدمـا هديتـهـا
ابـنـدور غيـركـم محـبـوب وافـهـم يافهـيـم
والليـالـي المقبـلـة تـبـدي الـلـي اخفيـتـهـا
اشهد ان الحرّ مايمشي مع اطيـور الرخيـم
ماكـره روس الجـبـال العالـيـة لــو ريتـهـا
قــدر الله وافترقـنـا والمـقـدّر شـــي ألـيــم
إ نتهيـنـا والسبـايـب مـنـك يــوم انهيتـهـا