قصيده حزينه , شعر حزين
قصيدة حزينه جدا عن الحزن والفراق.
أخليكم مع القصيدة التي أتمنى أن تحوز على رضاكم.
واللهم أبعد عني وعنكم الحزن والهم والفراق للأحبه.
************************************************** *********************
قالوا علامك كل ماحل طاريه.. تنسى البشر حولك وتذكر خياله..
قلت إنشدو قلب ليا غاب يرجيه..قلب بعد فرقاه واعزتاله..
قالو علام القلب متولعن فيه..دور لعل القلب يلقى بداله..
قلت الغلا ماهو على كيف راعيه ..لو الغلابالكيف قلنا حلاله.
الشوق فيني اصبح لك
عظيم وجبار
والشوف بعدك ياغلا
روحي كفيفي
مشكور ياحب دربه
مايعرف اعذار
مشكور ياحب تمنع
فيه حيفي
بعد الغياب ان جيت لاتشتكي
ولاتحتار
أنت((حبيبي)) اول
والحين أنت ضيفي
آه يا قوى قلبه تجرحني من قلب وتروح
أه قلي وربك من علمك درس الجروح
ما جاك مني يجرحك ولاجاك مني يألمك
ليه القسى قلبك نسى
اتعبتني وليه التعب
واجهني لو مره بسبب
قولي انا شسويت فيك
هذا وانا قلبي عليك
ليه الجفا وكلي وفا
إذا مليت من حبي بس قلي على النية
ترى انا قلبي طيب يذوق المر ويغني!!
ليت الوله بيننا بالنصيفة..
حتى تحس بلوعة اللي تحراك..
أقول مدام حبي ماتوغل بالاعماق
ماأظنها تنفع معك تضحياتي!!
تحملت منك الذل وجراحه ودست على قلبي
وقلت:حبيبي مهاتسوي أنا مرتاحة.
شرب على غير الضما يجرح الكبد
وحب على غير الموده خساره
*خـــــلاص ماأبغى عذر
خــــــــلاص أرجوك روح مدام هذي البدايه أجل كيف الاخير؟؟؟؟
يا حلو الايام لو ترجع على كيفـــــــي
ما كان قلبي شكى فرقا مواليفـــــــــه
كانوا بقربي ولا يحتاجوا تكليفـــــــــي
واليوم راحوا ودمعي صعب توقيفــــه
من عقب الاحباب مكسورة مجاديفــي
غرقان والموج يلعب بي على كيفــــه
مابي سؤالك عني اليوم ماابغاه
ماريد قلبك دام هذي خطاويك
عفت الهوى من بعد ماشفت دنياه
عفت الليالي كلها في تجافيك
ببكي ندم وببكي وله بعد فرقاه
واكتب قصيدة حزن بفراقه
والله أحبه ويصعب القلب ينساه
لكن عزة نفسي تقول مابيك
ضيعت قلب حالف مايخليك
والحين مابي يمرني طيف ذكراه
حبــي رفعــك ولازم انه.. يوطيـــــــك ..
لا صد عنك من توده وجافاك
خله وجازه بلجفا
مثل صده
خلك عزيز النفس والعز مأواك
وكلن عطه تفصيل
ثوبه بقده
خص الرفيق اللي اذا
جيت حياك
وان غبت ياصلك
بالموده
غيبتي طالت ولا همك جفاي
وكنت عايش في أمل تسأل علي
من غلاتك أحسبك عايش معاي
وانت ما همك ولو طالت غيبتي
انت مالك ذنب هذا من غبااي
>> ناسي
طال البعاد ولوع القلب فرقاك
ومن غيبتك صاب المولع مضـره
أسهر طوال الليل وأعيد ذ
وأرجع الماضي وبالقلب حــــره
يذكر زمان فات بالخير ويـــاك
الله يعيده لو بالأيــام مـــره
امنتك الله يابعد كل غاااالي…,
أمنتك الله واحفظ حبنا زين..!
بعدك ترا ماعاد شي بقالي…،
ماعاد باقي لي سوى دمعة العين..!
ما أنساك لو يمشون حولي عيالي…،
ببقى أذكرك لو راحت سنين وسنين..!
مدري علامي صرت
ضايق ومليت…!!
قعدت أفكر في زمانن
مضالي…!!
سالت دموعي فوق خدي
وصديت…!
صدت حزينن غربلته
الليالي…!!
لاشك أنا منساك مهما
تناسيت…!
ورقمك بدقه كل ماضاق
بالي؟
************************************************** *********************
تكفين يا طيور الحرار افزعيلى
ابى عن ديار الاهل منك اخبار
تكفين حومى فوقهم وارجعيلى
وإلا ان حصل لك حومه داخل الدار
تكفين حول بيوتهم دوريلى
سبعة فروخ يوم اخليهم صغار
شوفى ضناى وعودى وانكفى لى
واشلونهم يا علهم صارو كبار
نسوا دفاي ونومهم فى شليلى
وش علمهم يا علهم بطول الاعمار
قولي لهم ان امكم لها عويلي
..خمسه سنين دمعها دوم مدرار
وقولي لهم إني علي طول ليلي
….أنوح وليا قرب الصبح أنهار
وقولي عيوني دايما له هميلي
….تبكي ليا شافت من الناس زوار
كل يوم اقول غدى حديهم يجيني
..راحت سنيني مابهم واحد(ن) زار
وانا اللي من سبت سوات الحليلي
……حالي تردى كل ماله وينهار
وفرقا ضناي اللي تردت بحيلي
…كني على شوفتهم اصلى على نار
ياويلي كان الله عجل رحيلي
.وانا لي سنين ابي لو هي اخبار
ياعونة الله من يبي يرتكيلى
ليا جارت علي بأمر الله كل الأقدار
تنكروا من يدخلون الدخيلى
واللي بوسط ديارهم يامن الجار
قولي لهم ياطيور قلبي عليلي
الله يكافي قلوبهم صارت احجار
وانا اللي لبراق الخيال استحيلي
واقول ياعل ديرتهم للأمطار
تكفين وسط ديارهم صوتيلي
شوفي عسى لأسمي مع الناس تذكار
وقولي لمن نسيانهم يستحيلي
.ياللي نسيتوها ترى الوقت دوار
ياهيه ياللي بالسما لك هديلي
ردي خبر تكفين يكفي امرار
شوفي هاك اللي نومهم في شليلي
…من اذان المغرب لوقت الأسحار
شوفي هاك اللي ماتهنى في مقيلي
.إلا مقيل معهم كبار وصغار
وقولي لهم ان كان حملي ثقيلي
.مره يجون وعقبها شي ماصار
وانا يتولاني كريم(ن) جليلي
ياعلني في جنّة وسط الأبرار