قصيدة حب جامدة , Love poem
يالله تفرج هم قلبي وبــــــــــــــلواي…. يا عالمٍ وحدك بسرّي وحالي
تعلم سبب شكواي ما هو من أعــداي…. شكواي تعرفها من انسان غالي
حبه سكن في قاصي الجوف بحــشاي…. والله ما فارق خياله خـــيالي
وطيفه ينازعني بصصبحي وممـــساي…. ومن حيث ما حلًيت شوفه قبالي
هو علّتي هو نور دربي وظـــــــــلماي…. هو روح روحي هو شيبه الغزالي
هو الروح في روحي وفي كافة أعضاي…. هو مكسبي في الكون هو راس مالي
من عيونه الحلوات مبلي ومــــــرماي…. ومن كثر حبي فيه واعزتا لي
حيثه دوا قلبي وما غــــــــيره ادواي…. وبعض الدوا تدمن عليه الرجالي
ليته هويّه لي احطه بمــــــــخباي…. واشيله معي من حيث اشد الرحالي
واشــــــــــــوفه وانا رايح وانا جاي…. حيثي بشوفه دوم يرتاح بالي