اجمل القصائد الرومانسية , Romantic poem
يا روح روح الروح لا باس… معلن عليه حرب شارون
يعل الوشايا طعنه بفاس… بفوادهم كل ما بيحكون
مغمور حبك وسط الانفاس… بين الحشا والروح مسجون
ما ينثني بوجودكم راس… شامخ مثل رايات لحصون
مرهف قليبك حيل حساس… كنه طفل غافي ومحضون
أشهق باسمك وأبلع امواس… وينشق صدري حين تطرون
لي درة من لجة اغماس… ما هي لويث سيول لمزون
بين الجواهر صفوة الماس… يتيم حسنك نادر الكون
مركب غرامي غادر الناس… ارحل وخلي الغير يبكون
بايع غلاهم جمله بفلاس… ونبضه لكم يا زين مرهون
لي ما يقوي بطبعه الساس… بين الزوايا هناك مركون
محشوم عن حكيات الأدناس… وسط المجالس يوم يشنون
إهمس وأنا خاتم بالأخماس… أشر وأنا البيك يا عون
طير الصقر ما تعيقه اطماس… فارد جناحه إلكم يمون
طرف سحرني بحرز طلماس… تحت الثرا بالجاش مدفون
وسوس بصدري الشوق وسواس… عربون من ليلى لمجنون
فايض غلاكم دون مقياس… عدا حدوده دون قانون
في جوفيه صفين حراس… ركع واذا تامر يسجدون
تشره على ذوق الاجناس… لي من لمحك يبات مغبون
مورد ظمايه هوب بالكاس… شربي وزادي رضاك بيكون
شوقي سواتك فوق قرطاس… حبر بدم ودمع معجون
أدمنت صوتك وقت الانعاس… بكلمة أحبك ألف مليون