كلمات قصيدة مستحيله

Table of Contents

مستحيله اي وربي مستحيله
يمكن اقرب شي في وصفك بخيله

مابخلتي في وفاك وفي غرامك
بس شحّيتي بثارك يانبيله

لين ذوبتي بليينك كبريائي
والف ليلة من الخجل ذابت في ليله

جيت قاسي جيت متعدي حدودي
وفي حدودك ذوب البرق المخيله

يابخيله بالقسى من زود عفوك
ليتها ماكانت آيديني طويله

بحرك اللي قد تحمل كل همي
كم رميت هموم في بحرك ثقيله

قبل آجيلك بحر شعري ما وفالي
البحر غدار وانكرني خليله

وانتي الهم الكبير بكبر لطفك
ابتسم فرحة وروح في سبيله

التسامح سنة محمد وهديه
بس عيب احيان في شرع القبيله

لين قدتي ثورة العفو وسمحتي
وكانت الفكرة على غيرك دخيله

والله أنك صاحبة فضل وجمايل
يوم غيرك ماعرف معنى الفضيله

يافضيله واجهيهم وبعباتك
علمي جيله معانيك الجليله

علمي أدم اذا حواء تفانت
شالت اللي ماقدر ادم يشيله

علمي ادم خلقنا للعبادة
ماخلقك الله يشفي بك غليله

علميه آسمى المبادي والمعاني
يوم حوا مالها لحية طويله

تقدر تغطي مثل بعض الاوادم
يطلق اللحيه على وجه الفشيله

كم تجرا يوم حوا ماتجرت
واسرج الفتنة ولا تسمع صهيله

ويتستر ظاهرة مسلم وصالح
وهم كثير اللي معه نفس الفصيله

وش تقول ان جيت في قبرك تحاسب
لا تحسب الجنة بدقنك كفيله

اليهودي طول اللحية ولاكن
لا رضى ربي ولا مرضي خليله

فكم غلام بدونها لاكن فعوله
دائمآ لله وآمثاله قليله

يكرمون اهل اللحى بيض النوايا
من بنا لله مايبني بحيله

ويا العفيفه تكرمين وياالشريفه
اذا قافي معك قد ضيع دليله

انا أسف لاتعديت المراحل
يوم شفت العذر متنيل بنيله

جيت اكفر عن ذنوبي قبل اسافر
وقلتي ان سافرت انا بعدك قتيله

وين اودي وجه فعلي عن عيونك
لاجل هذا كان ينوي في رحيله

مابخلتي في وفاك وفي غرامك
بس شحيتي بثارك يابخيله

ليتك آخذتي بثارك ماسمحتي
العفو يأخذ بثارك كل ليله

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق