اشعار عبد الرحمن ابن على ال مغنى , رثاء متاخر
يا يبــــــــه .. كل عام وانا اتفكر ف الغياب
من بزوغ / الوعي لين اظهر الوقت المشيب
آتألم .. وانثر الدمــــع لو قالـــــــــوا:عذاب
انثره .. حتى لو انه على العــــــاده .. يعيب
انجبرت ابكيك .. وانـــــــا صبورن ما يهاب
غير فقــدك (نكــــــل) ابلا حسيب ولا رقيب!
يايبـــــــه .. وادري لي ابخافقي مني عتاب!
لني اخرت الرثــــا وانت لك عمري .. نحيب
يعلـــــم الله ماهناني وجـــــــــودي يوم غاب
زولك اللي في خيالــــــي .. ولا لحظه يغيب
انت لك ذكرك يخلــــــــد .. ويبقى لك شباب
كنه (اكسيـــــر الحيــــــاة) الذي ماله مشيب
ذكــــرك .. أنا ادري بذكرك فتح مليون باب
للصفات الفاضلـــــه .. والحميــــده يالغريب
يالغريب اللي كتب للوفـــــــــاء اجمل كتاب
يالمبجـــــل عند ربعك .. ويالفكــــر اللبيب
يايبه .. تدري الى الحين .. يطروك الجناب
كل مجلــــس اجلسه لك من الدعـوه نصيب
إيـــه .. واعلم بإن موتك رسم اكبر مصاب
لوحتـــن بروازها يشبه الجـرح .. العطيب
طاب حالي .. بس حزنك .. فلا يمديه طاب
كن حاله بعد موتــــك .. نـــــذر الا يطيب!
وكن حال الفرح .. غادر .. ذهاب ابلا اياب
وكني انـا .. صرت وجهتك يالحزن الكئيب
كشـر بوجهي / وشق الضلوع / وسل ناب
واعتبر لا مـــــت .. مالي على ذنبك طليب
اعتبر نفسك رفيقن ظلمنـــــــي .. ثم تاب
لك علي اسـج .. واسلـــى .. ولاظني يخيب
كل همي .. كيف ابانول من ربـــي ثواب؟
احمدك يارب .. واستفغـــرك .. وإليك انيب
عوض القلــــــب المعنى على جرح الغياب
وارحم الغالي فلا غيرك ارجو .. يامجيب!!