أببقى حافظ الذكرى وأصون العهد بغيابك ..

أببقى حافظ الذكرى وأصون العهد بغيابك ..

تعالي وإسئلي قلبي وش اللي صـار بغيابـك..
خناجر تطعن بصدري ولا أدري كيف اجنبهـا..

دخيلك وش حصل مني عطيني هاتي سبابـك..
بـلا ترتيـب قوليهـا وأنـا والله لأرتبـهـا..

شتمتك!! ليتني أقدر أنا لا شفتـك الهـى بـك..
أسبك كيـف وعيونـك تضيعنـي حواجبهـا..

ظلمتك!! مستحيل إني ظلمتك والغـلا يهابـك..
قسم من زود ما أحبك أسولـف للهوى جبهـا..

نسيتك!! لا حشى وربي أبد ما غابـت أطيابـك..

أشم فغترتي عطـرك ودمـعٍ كـان يسكبهـا..

خذلتك!! تبطي سنينك يا شيخه أعشق ترابـك..
أحبك وش بقى أكثـر تبينـي يعنـي أكتبهـا..!!

كتبها قلب مغرم بك يعيش يموت يحيـا بـك..
يشوفك أرض تسعى له ويمشي فـي مناكبهـا..

أحب همسك أحب صمتك أحبك حتى فعتابـك..
وأحب كل الحروف اللي شفاتك دوم تطربهـا..

متى تنهين هجرك لي وأشوف ايدين تتشابـك..
أحـن لوقـت لحظاتـه تذوبنـي وأذوبـهـا..

متى تحسين في شاعر رهيف إحساس في بابك..
وقف لين انكسر خاطـر مـن أفكـارٍ يقلبهـا..

متى تحسين في عابد سجد في قلب محرابـك..
يقوم الليل يدعـي لـك ويدعـي رب قربهـا..

متى يا زينة الدنيـا يكـون الوصـل اطنابـك..
حـرام نهـد ماضينـا وعلاقتنـا نخربـهـا..

تبين الصدق لو جاني خبـر شديتـي ركابـك..
وراك لاخر الدنيـا مـن المشـرق لمغربهـا..

أنا حبيت من قبلك كثير وعقـب مـا جابـك..
رسول الحب عاهدته اببقـى فـي مضاربهـا..

أمانـه لا تخلينـي غريـب فبيـن أحبـابـك..
ترى موتي أنا فغربه جحـودك هـو سبايبهـا..

أمانه شتتي ظنوني تعـب هالوجـد يرتابـك..
زرعتي الشك بعروقي اليـن الخـوف شيبهـا..

تعالي حب قومانـي قريبـك دوم اولـى بـك..
ترى لا جيت في مجلس أبوك وقـال اشربهـا..

أبطلب إيدك وقلبك قبـل فنجـال يزهـى بـك..
وأبسمع تم من صوبك وصلت وجاك مطلبهـا..

حبيبة عمر شاعرها اذا هالقـاف مـا صابـك..
ترى كل البيوت اللـي تعنـت لـك ابشطبهـا..

وأببقى حافظ الذكرى وأصون العهـد بغيابـك..
وأحرم أكتب أشعارٍ يكـون الصـدق أعذبهـا..