مذهبك من مذهبي

مذهبك من مذهبي

يوم مرّت قلت لحظه قالـت انتـه وش تبـي=هات علمك قول يالله هات علمك هات هـات
قلت مادري بس شفتك قمت اصفِّـق بركبـي=تهت فيكُ وْضعت بين عْيون سـودٍ ناعسـات
قالت اخطيت الطريق وْقلت مـن قلّـك نبـي=كلنـا نخطـي ونخطـي ميـر لله الثـبـات
قالت اطغاك الغرور ولاتجـي ربـع ذْهبـي=قلت جوزي عن غلطك ولايجي منك انفـلات
ماني بْعبدٍ لابـوك ولاشْتغـل عنـدك صبـي=لاولا جيتك فقيـرٍ يطلـب ايديـك حْسنـات
قالت الظاهر زعلت وْقلت انا رجـلِ عْربـي=عزّتي تسمـو سمـو الشامخـات النايفـات
قالت امزح قلت مزحك زوّدِجْـروح اتعبـي=كلِّ شي الا الكرامـه مابهـا جـودُ وْهبـات
قالت اطلبك السموحـه والعفـو ذا مطلبـي=ماقصدت اجرح شعورك ياجريح الذكريـات
والله لسانك فصيـح وْمذهبـك مـن مذهبـي=بس فيك من الغموض اشياء واشيا مبعثـرات
بسألك وش تفتخر به قلت قصـدك منسبـي=منسبي من منسب اهل الطيب واهل المكرمات
ربعي اللي فاللوازم ماتجـي مشـيُ وْحبـي=تمتطي صهـوة خيـولٍ للـوازم مسرجـات
تنطح جيوش المعـادي ليـن تسبيهـا سبـي=مايعرفـون التخـاذل والبيـارق عالـيـات
قالت اش معنى جروحك قلت عنوان اكْتبـي=ابتدت بي واعصفتبي من عصـورٍ ماضيـات
الجروح اسهام رامي والحشا مثـل الضبـي=جافـلٍ منهـن وهنّـه يطردنّـه سـاريـات
قالت ادله قلت من يدله عنِ جْروحـه غبـي=كيف يدله من جروحه وسط روحه جايـرات
قالت اشقاك الغرامُ وقلت يصفَـى مشربـي=لاتجرّعـت الغـرام بكـف سيّـدة البـنـات
قالـت العـذال دونـك والعـواذل ماتـبـي=همّهـم تفريـق شمـلِ قْلوبنـا المتوالـفـات
قلت دام الزرع زرعي والعنب صار عْنبـي=والله انّـي ماتلفّـت فالطيـور الطـايـرات
خلّـي العـاذل يمـوتِ بْحسرتـه يامكسبـي=واسلكي دربٍ نحقّق فيـه اغلـى الامنيـات
قالت اطربني كلامك ..ويـن عنّـي iiمختبـي=ياعسا تفـداك روحـي والسنيـن المقبـلات
قم معي نبني صروح الـود يالشهـم الابـي=دام مقصدنـا شريـفُ وْمالنـا عنّـه غنـاة
وهذي القصّه مع اللي جت وقالت وش تبـي=هات علمك قـول يـالله ياجريـح الذكريـات

مقالات ذات صلة

زر الذهاب إلى الأعلى