يقولون مالا يفعلون
يقولون مالا يفعلون
مابقـى الا سود الايــام تحرمك الرقـــاد
كيــف الاوهــام اتجرا تسريك امغبـــون؟
من متى تجزع من الدمع ..وتخاف البعاد؟!
من متـى تقفـي بك ظـنون, وتجيبك ظنون؟!
صــرت تـاخذ (كذبتي,صدق)(ومزاحي,وكـاد)
لو بقول:اني بخونك..تحسب إني بخـــون!!
ماتعرف ان كل شــاعر “يهيــم بكل واد”؟
وانهم دايـم “يقوـلون مالا يفعلـــون”؟!
ابك انا لو قلـت:بنساك,وانكرت اــلوداد
إعـــرف انـي مانسيتـك..ولاهـم يحزنــون
من جزع من صفعة الشمس..يطمـع بالبــراد
ومن فــقد وجهاته الخمس..يلقى بك ركـون
إعتبرها هفوة انسان ,أو كبوة جـــــواد
لو بتسمح , فانت غالي, ولو تجرح تمــون
عــد صـــداتك مروه, وطعناتـــك ضمــاد
خلهــن..لا راحـن طعــون, ولا ردن طعــون
خنجرك يستــاهل الطعـن, ومــتوني شـداد
ومنك يازيــن الخناجر. ويابخـت المتـون
رد لي حنية المزح.. باحساس الجمـــــاد
خلنا واحد يجي صلب..والثــاني حــــنون
موت فيني, واندفن فيك.. بثياب الحــداد
وان حييت, اموت لرضــاك..واحيا بك بهون
مره أرقد بالكفن , وانت ترقد بالمهــاد
مره أرقد بالمهد,. وانت ترقد بالكفــون
لاتقول: شجونــك شجون.. وعنــادك عنــاد
البـلا ان عنـادك عنـاد.. وشجونك شجــون
ربـك اللي سخـرك لي تقـود.. وماتقـــاد
والله الخالــــق,(ولله في خلقـه شِــــؤون)
أزرع ضلــوعي من رضاك, وابشر بالحصــاد
لعنبــو من جيت ترضيه, وتــرد امحــزون
بس تسوى لك بلد؟!. قول: تسوى لك بـــلاد
أنت كل العالم بكـــون.. ولحالك بكـتون
مابعــد محبتـك حــب, ومــرادك مـــراد
غيـر كونك سيد حشاي. تـدري من تكـون..؟
نعمتين اختصن الخلق من (جـود الجــواد)
كــافل الأرزاق من حــيث مالا تعلـمـــون
البنون ونعمــة المال.. بعيون العباد!!
زينة الدنيــا بلا شك.. في كل العيـــون
مثل زينـــة دنيتــي.. بس عندي شــي زاد
من عرفتك صاروا: (المال,وانته, والبنون)
أنتشي بك نشوة التيــه”لعناق” الرشـــاد
وافزع لك بفزعة القـــرم “لشهاق” الزبون
واحصنك تحصين “الارزاق”.. عن درب الفسـاد
واعشقك عشـق المظاليم.. “لفـراق” السجون
لو تزيد الشوق (جمـره).. تحولنـي رمــاد
لو يزيد العشق(شعــره) .. بوصل للجنــون
خل هقــواتك كبيـــره..ونظراتــك بعــاد
كانك انت بكبرك تهون. من اللي مايــهون؟
أزعلك , وأرهن حياتي تحت رحمة زنـــاد؟؟
إتهبـا… لا والله الا انت والمـوت تهبــون
عاداذاماارضاك هــرجي , ولا اللي قلت فاد
(إننــالـــله , وإنـــاإليـه راجعــون)
وانـت باكــر بتعــرف على نــاس جـــداد
والكلام يجيـك من كــل شكــل , وكل لــون
لا تحسب ان كـل (كلمــة) بتسمعها… وكاد
ولا تصدق هرج شاعــر .. وتخدعــك الظنـون
دايـم اعـرف (كل شاعـر يهيــم بكـل واد)
وانــهم دايـم (يقولــون ما لا يفعلــون)
حتى انا اللي قلت: أعشقك ومااطيق البعاد
“يمكن اطلــع ماعشقتك.. ولا هــم يحزنون”