هو انت فاكر وانت نايم على السرير هتخش الجنه وتلبس حرير في حرير
السلام عليكم ورحمه الله وبركاته
احبتي في الله
يقول الله تعالي في كتابه الكريم (ليس بامانيكم ولااماني اهل الكتاب من يعمل سوءا يجزبه ولا يجد له من دون الله وليا ولا نصيرا )
هو انت فاكر وانت نايم في السرير هتدخل الجنه وتلبس حرير في حرير؟؟؟
ده برضو كلام
دنت عشان تكون مهندس شاطر بتذاكر لما تطلع عنيك وثانويه عامه وحروب وصدمات ومحاضرات وامتحانات وتغش شويه وتنجح وتسقط لحد لما يادوب تبقى مهندس
فما بالك بقى بجنه عرضها السماوات والارض مش محتاجه تتعب لها حبتين وتصليلك ركعتين وتقرالك ايتين وتصوملك يومين وتعملك اد حجتين وعمرتين
ماتستاهلش منك الجنه انك تتعب عشان تدخلها ولا انت لسه فاكر برضو
انك وانت نايم على السرير هتدخل الجنه وتلبس حرير في حرير؟؟؟
تخيل لو ربنا بشرك بالجنه وانت في الدنيا ياترى هتعمل ايه؟؟؟؟
هتكسل وتروح تنام وتفضل تتفرج على التلفزيون والدش او حتى لى النت ولا هتشد حيلك اكتر واكتر عشان تحمد ربنا على النعمه الكبيره دى؟؟؟؟
ده النبي صلى الله عليه وسلم حبيبك مكسلش يوم عن قيام الليل ورجليه اتشققت من كتر القيام لدرجه ان زوجته امنا السيده عائشه قالتله : لم تفعل هذا يارسول الله وقد غفر الله لك ماتقدم من ذنبك وماتاخر
يعنى من الاخر كل ذنوبك اتغفرتلك سواء اللي فاتتاو حتى اللي جايه
وشوف رد النبي صلى الله عليه وسلم عليها
قالها رد يعتبر درس للامه كلها
قالها : افلا اكون عبدا شكورا
يعنى مشكرش ربنا على النعمه دى؟؟؟
على فكره انا كتبت الموضوع ده لنفسي عشان احاول اشد حيلي شويه واعلي همتي حبتين واكون من اللي شكروا ربنا على نعمه ومكسلش عن الجنه لحظه
فالجنه منتظرانا جميعا وتنادي علينا كل يوم
فاين المشمرون لها؟؟؟
اين المشمرون؟؟؟