مــع الســــلامـــه دآمــ مــابه ســــلامـــه
السلام عليكم ورحمة الله وبركاته
يســ ع ــد لي صبــآحكم / مســآكم
هذه قصيــدة رآئعة للشآعر الرآئع محمد السهلي
أتمنى انها تعجبكم
لا صرت بايعني أشوفك على خير
مع السلامه دام مابه سلامه
قلت انتهينا قلتلك خير يا طير
ماني بأول شخص يخسر غرامه
محذرك من قبلها ألف تحذير
لاعفتني بيعيف قلبي هيامه
ماني بميت لا ولا أحتاج تبرير
صح الله لسانك وفر كلامه
بسمعك حبكه .. وفكره .. وتصوير
وأفهم عدل يامدعي بالفهامه
وجه الشعر أبيض ويحتاج تغيير
ودي تزين هالقصيده علامه
ماضيك الأسود بذكره دون تقصير
كذا يكون بخد هالشعر شامه
يصدق معي تعبير ويخون تعبير
ياضيعت الشاعر بوقت إنسجامه
يمكن خطأ أدونك بالشعر .. مير
لو ما احترمتك …. للغرام احترامه
ما كان حبك غير بس طعنتك غير
علمتني معنى الندم و الندامه
ماجاك مني أي زله وتقصير
كل ما اخطيت اعاتبك بإبتسامه
حسبي على الذكرى إذا هبت عصَير
ماعاد تنفع شرهتي والملامه
البال ضامي وقتها و الحزن بئر
خسرتك وهمي كسبت أهتمامه
والليل فازعلك كذا … جاني مغير
ظلمتني و اكثر ظلمني ظلامه
لقبل على أوحيت صوت المسايير
وفزيت كل ضيف اقوم بمقامه
وإذاا عزم هالليل ضيقه وتفكير
قلي بربك كيف بقدر أنامه
مافيه داعي للعتب والمعاذير
الغدر خال الجرح واطيب عمامه
إما يجيب الله مطر تالي وخير
ولا السلامه ماش مامن سلامه
تحياتي