{ماتبين نرجع حبايب}
{ماتبين نرجع حبايب}
جا يقول اني من الهجران تايـــب
جا بعد ماطال ياخلي غيـــابــــه
جا وأنا راسي من الأحزان شايب
جا عقب ماضاع من عمري شبابه
جا عقب ماكان ويا القلب غايـب
جا وأنا ماعاد بي عزم وصلابـــه
جا يناديني ولدموعه سكايــــب
جا وفي خده من الحزن غـــابــه
من عقب ماذوق عيوني مصايـب
جا تعذرلي ولا أدري وش جابـه
كل عبره في خفوقي كاللهايب
وكل ضحكه عانقت ثوب الغرابــه
العيون اللي تضن القلب ذايــــب
خانــه تفكيره واعلن عــــــذابـه
والله اني من هوى المحبوب طايب
وكل عاشق بالهوى يلقى حسابه
قال:أحبك قلت:يادنيا عجايــب
كيف كره ينجب احساس وحبابه
قال:يعني ماتبين نرجع حبايب؟
قلت:عمر الطين مانابش السحابه
قال:أظنك من هوى المحبوب هايب
قلت:مامن شي يستاهل أهابـــه
كل مابي الأمر مزيون خوان تايب
أشهد أن الحب ذا كله غرابـــــه
صد عني صار لدموعه سحايــــب
التفت لي وابتعد حضرة جنابـــه