كنا سوى .. و الحين [ ما إحنا سوى ]
كنا إلا .. و الحين [ ما إحنا سوى ] !
بس .. إنتهى وقتك ! و بطلنا هوى
ألغيت في قاع الحشى .. مساحتك !
ذيب المحاني من قسى جورك عوى
إلين جف الماء .. و ماتت واحتك !
تلويحتك ! فيها حـزن .. إلا أن قوى
قلبي على توديعـك و [ لواحتك ] !
شربت فنجال الصبر .. سلس إرتوى
صبري لو إن دلال شوقي فاحتك !
ذموك عقبي .. بعد ماطال النوى
والحين شف وشو قضى مداحتك !
خلوك [ جرح .. هامل ] ماله دوى
و كذبك عليّ ماتغيّره / صراحتك !
من كثر ما قلبـــي بَ طعناتك روى
عيّت جروحي .. كلها ما أباحتك !
لا تعتذر عن غيبتك .. مالك لوى
ظل البروده في الغــــرام إجتاحتك !
كنّا إلا ! و الحين ما حنّا إلا
أنا نويت أرتاح .. وأنت براحتك !