قصائد الحب، قصيدة حب

مدخل :

…. يا>>>>>>..،
… شوفي حالتي ( ماني بخير )
… و في حيره من امري وفـ الأمر حيره !

عجزت ..،
… لـ القى لـ العذاب اي تفسير
… ولا ودي افتح لـ النقاش اي [ سيره ]

… لكني ..،
… أبكي شعر و الشعر تعبير
… يجبر ” كسور ” اهل النفوس الكسيره

الله ..،
يذكر مهدي ( الجرح ) بالخير
مـ احد ٍ جرح قلبي من الناس غيره !

راح ..،
و تركني لـ الجروح المغاوير
لعل فـ الجرح وفـ الالام ( خيره )

معقول ؟
ما تكثر عليه [ التفاكير ]
ينام عادي ما يحاسب ضميره ؟

معقول ! ….
بُعدي ما ترك اي تأثير ؟….
معقول ماني في ( غرامه ) جديره ؟….

طبيعي ..، …
اخسر كل هذي ( المخاسير ) …
مسلوبه سلاحي ولا املك ذخيره ! ..

…روحي ..،
… و قولي له : تبي منك تبرير
… يشفي غليل [ الذكريات المريره ]

… وقولي :
… ترى في كونها صار تغيير
… وفـ الشعر صار لْها [ مكانه كبيره ]

كل ما بغيت ..، ….
اتوب مـ القى [ معاذير ] …
ولا يمكن اكتب له قصيده أخيره ! …

ما املّ ..، ….
واشعر معه دايم بـ تقصير ….
خمسة سنين ( آنادمه ) و استخيره …

مدري ..، ….
غباء والا وفاء او مقادير ؟ …
عجزت احب من المخاليق غيره ! …