قالت ترى منت بحلو .. قلت رجآآآال ..
قالت ترى منت بحلو .. قلت رجآآآال ..
بسم الله الرحمن الرحيم
قــالت ترى منت بحــلو .. قلت رجــــآآآل ..]~
قاالت ترى منت بحلو قلت رجـال
والزين ماهو من شروط الرجولـه
الزين يلقى عنـد لباسـة الشـال
والرجل زين ان كان زانت فعولـه
قالت علامك تلبس شماغ وعقـاال
انت بدوي؟ قلت بدوي ومن حموله
ما ألبس بناطيل لها الوان واشكال
وامتر الشاارع بعرضـه وطولـه
قالت اجل راعـي معاميـل ودلال
شرب القهاوي تحسبونـه بطولـه
كيفي يابنت الحضر دلـه وفنجـال
وحليب خلفـه بالمـراح معقولـه
وحب الكرم والجود وعلوم الابطال
مغروس فينا من زمـان الطفولـه
قالت ترى بنت البدو حظهـا مـال
قلت احذري حذرا تكوني جهولـه
بنت البدو يابنت مضرب للامثـال
فووق الجمال وطاعة الله خجولـه
ماحطة اصباغ ولا حطـت ظـلال
ولا سيرة بالسوق سيـر مهبولـه
هي مهرة تصعب على كـل خيـال
وانتي ومثلك عسفهن بالسهولـه
قالت تغزل بي وشف حبة الخـال
ناظر عيوني والرموش الكسولـه
قلت العفو مايجتمع حـب وهبـال
ولكـل ذوق فالمزاييـن جـولـه
قلتي وقلت وكلمة الصـدق تنقـال
الزين ماهو من شرووط الرجولـه
ممــا رآآق لي . .