شعر عن الأم – قصيدة عن الام
اسألي دمي
وسعادتي وهمي
اسألي النجاح
والقدر والضيق
اسألي الدعاء اللي في صلاتي
والدموع اللي في سجودي
اسألي دمي
عن حبك يا والدتي
في الطفولة علمتيني قبل ما أنطق بالكلام
وفي شبابي بترعيني لما بسهر ولا أنام
صدقيني يا ضي عيني حبك أنت مش خطاب
يبتدي في لحظة ميلادي شمعة تضوي في الظلام
ست الحبايب والحنان أنتي يا والدتي
لو كنت ضئيل ولا هائل تتبطبي وتضمي
تفرحي لفرحي وفي القوة بتحملي همي
ساكنة في قلبي وأسمك بيجري في دمي
لما أزعل بترضيني
لما امرض بتدويني
والدتي أنت في نن عيني
حبيت الكون علشانك
وفي قلبي وروحي مكانك
تسلملي كلمة يا ضنايا
لما ينطقه لسانك
والدتي يا كل الأمان
والدتي يا نور في طريقي
والدتي يا حضن الحنان
والدتي يا حبي الحقيقي
ماما يا لحن في الوجدان
يا وشوشة حب .. يا موجة حنان
في عيدك
بتخضر الالوان
وبحبك
ينطق قلبي الولهان
ماما حبيبتي
حبك في قلبي طول الليالي
حافظ ودادك .. كاره بعادك
لوغبتي عني
روحي تخدني
لحد عندك
وأنول بقربك وأعيش معاكي
عالم خيالي
اسمك زي شعاع النور
بيدخل قلبي يمد جسور
أنت حبيبتي يا والدتي الغالية
ليكي بوسه وعقد زهور
ليكي شوق وحنين ومحبة
بيخليني بيكي مسحور
ماما حبيبتي يا أطيب قلب
اسمك موجة في بحر الحب
كلمة رقيقة بسمة بريئة
تفتح قلبي وتمحي الذنب