جــنــوووون أنــثــى ..
جــنــوووون أنــثــى ..
جــنــوووون أنــثــىكثر ماقلت حبيني وعيشينـي براحـة بـال
كثر ماكان يذبحني غـلاك وطـاري غيابـك
كثر ماكان في الماضي حنيني يرسم الأمـال
كثر ماكانت أنفاسي تـذوب بريحـة ثيابـك
أبشكيلك وأبحكيلك حقيقـة واقـع المرسـال
أناوأن كنت ماتـدري أذوق المـر بأسبابـك
حبيبي والجروح اللي لقت في داخلي مدهـال
تصب أحساسي الموجع حنين يدمي أحبابـك
أنا ماقلت أحبـك لا ولاقلـت الهـوى قتـال
أنا ياروح روح الشوق غرام فـاح بأطيابـك
كذا يعني جنون أنثى خذتها نظـرة الخيـال
خذاها الشوق للماضي وصادف بابهـا بابـك
على هونك بعد حيي ترى بعض الصدود خبال
وأنا من دونك ودونك شعورن صعب ينتابـك
تعلم كيف تسمعنـي تعلـم مـدت الفنجـال
عساك اليـوم تتعلـم تسـد لـزوم طلابـك
((ترفق نعنبو دارك تراني من بنات رجال ))
*شموخي يرفض التكرار تركد نـوخ ركابـك *
تعال نغير العالـم ونقلـب وجهـة المنـوال
أبكتب فيك وأنثرلك قصايد شـوق تزهابـك
حبيبي يابعد ناسي على قلبك شكيت الحـال
أنا يذبحني جنونك أنـا كلـي فـدا عتابـك
ذبحني هاجس الفرقى ذبحني طاري الترحال
طلبتك بس ساعدني أجـدد صفحـة كتابـك
أمانه لاتخليني علـى رجـوى دفـا وظـلال
أنا ماعدت أتحمـل جنـون ثـار فأهدابـك