ان رحت عنك اشتاق وان جيت اشتاق
ياللي تبي مني على الحب ميثـــــاق
هاك المشاعر كلها لك مواثيــــــــــــق
هاك الخفوق وهاك شوقي والاشواق
ابعترف لك صدق من غير تحقيــــــــــق
ان رحت عنك اشتاق وان جيتك اشتاق
ماكن غيرك خالق الله مخاليـــــــــــــــق
اشوف في وجهي سنا شمس الاشراق
ياللي بقربك كل حظي توافيـــــــــــــــق
ياسيد العشاق للحب العشـــــــــــــــاق
وانت الذي سموك سيد العشاشيـــــق
نام الهوى بعيونك السود ثم فـــــــــاق
واستبشرت كل القلوب المغاليـــــــــق
ارويت كل غصون قلبي والاورااااااااق
وسقيتني حبك وانا ناشف الريـــــــــق
حبيت فيك الحب والحب ســـــــــــــراق
واهل الهوى للحب دايم مشافيــــــــق
حبك سكن في وسط قلبي والاحــداق
وبين الحنايا مسكنه والمعاليــــــــــــق
بيني وبينك ياعسى مايجي افـــــــراق
ياللي تبي مني على الحب توثيــــــــق
واتمنى ان تنال اعجابكم وربي يسعدك