الصدر ضايق
أقول إن الصدر ضايق أقول الكون فيني ضاق ما أقول إن غيبتك صعبة أقول البعد ينهيني أنا ياما زعل قلبي عليك وما طريت فراق أشيل بخاطري [يمكن] وأرضى لو تراضيني ياليتك بس تفقدني كثر ما أفقدك وأشتاق قسم بالله ما يطري على بالك تخليني بعيني إنت هالدنيا ومن غيرك لعيني لاق كثير وما ملوا عيني وقلبك بس يكفيني فراق! وكنت أبي منّك تعوّض هالصبر بعناق عشانك بعت هالعالم وجيت اليوم تنفيني حبيبي حلت الفرقا وبعثرت بجفاك أوراق عزاي بغيبتك صورة على بعدك تواسيني أنا غصب علي أرضى ببعدك وأكتم الأشواق وأكابر رغم حرماني وأداري دمعتي بعيني حبيبي والجفا سجني وقربك من سماي إعتاق بكثر عيوبي بعينك فقدتك وينك وويني! حبيبي حس في حزني ترى دنياي ما تنطاق أهونها ولا هانت كبيرة صدمتي فيني وش إللي يصير بالدنيا لو إنك جيتني مشتاق وش إللي تخسره يعني إذا فكرت ترضيني من الآخر ترى بعدك عطاني هالزمان طراق لأني كنت إحسب إنك تموت وما تخليني