إلــى الــســيــّــد مــع وقــف الــتـبــجــيــل

إلــى الــســيــّــد مــع وقــف الــتـبــجــيــل

قصـــيدة جميلـــه من روآئــع الشـــآعــر :

][ مــحــمــد الــســهــلــي ][

وهــي آخــر قصـــيدة كتـبــهــــآ أبـــو جــآرلله ..

…

المجتمـع : مواصـلـة الأفــراد ..

…………………………. مسيرة استكشاف غير .. الغيـر !!

متجانـس ومبنـي علـى الأضـداد ..

…………………………. مـتـكـامـل وتــكــامـلـه تـقصـيـر !!

تحـرّره .. يستـلـزم : استعـبـاد ..

…………………………. وتـديــّـنه .. يـحـتــّـم : التكفـيـر !!

واللـي يشوفـه مـن ثـلاث أبعـاد ..

…………………………. بيدري إن الشـر نـصـفـه خيـر !!

وأنا رغـم حزنـي علـى استعـداد ..

…………………………. اضحك وأجامل .. جرحي الأخير !!

يا السيّـد اللـي مـا عليـك أسيـاد ..

…………………………. يا الوافر الضاري على التوفيـر !!

وش يفرق الشاعـر عـن القصّـاد؟ ..

…………………………. الفـرق فـي ( طـريقــة الـتـفكيـر )

هـذا يقـول : الــدارج المعـتـاد ..

…………………………. وهـذا يمـارس: لـذة الـتـغـيــيـر !!

تــرى الاوادم ظــل للأجـسـاد ..

…………………………. لـو تنسلـب حريـة الـتـعـبــيـر !!

وشـرواي لا يخضـع ولا ينـقـاد ..

…………………………. بقولها واللي يصيـر .. يصيـر !!

شهرتك ما هـي فـي ورع وجهـاد ..

…………………………. مشهور لكن ما اشتهـرت بخيـر !!

همومـك أمّــا شــرب ولاّ زاد ..

…………………………. وهمومي اكبر مـن كـذا بكثيـر !!

كنت احسبن كـل السيـوف حـداد ..

………………………… واثر بعضهـا زينـه وتصويـر !!

مشكلتك أقدم مـن ( ثمـود وعـاد ) ..

…………………………. ودي اسميهـا باسمهـا .. مـيـر :

لك فالدجـاج أكثـر مـن استشهـاد ..

…………………………. طيور لكـن مـا تعـرف تطيـر !!

يا السيّـد أنصـت للحديـث الجـاد ..

…………………………. البِـر مـا يـحـتـاج للـتـبـريـر !!

واللـي مميزنـا بحـرف الـضـاد ..

…………………………. مـا لـلعــقـل قيمـه بـلا تــدبـيـر !!

وإن قلت لي : الأحفـاد والأجـداد ..

…………………………. بقول لك : عذرا ً على التأخيـر !!

وإن قلت لي : التاريـخ والأمجـاد ..

…………………………. بقول لك : مـع وافـر التقديـر !!

اصـدق إن عنتـر ولــد شــداد ..

…………………………. لكن اشك الزيـر سالـم .. زيـر !!

…

صـــح لــــســآنـــه ..

ودمـــتــــم بـــــود ..