{{ أنا طبعي كذا دايم كافيهـ شري وخيري }}
طبعي دايم كافيهـ وخيري
شلتكْ منْ وسط نارْ الهموم وعالم الجمرهـ
وسقيتك من غلاي وما نفَعْ طيبي وتقديري ..!!
مثل زهرهـ قطفْها الوقت وقلبي شالَها حسرهـ
لأني شفْتَها تَحْتي وأخافْ يدوسها غيري ..!!
رسمتك لينْ ما شفتك مثل صورهـ بلا فكرهـ
ألوّنها ولا يبيّنْ بعينْ الصفحهـ تصويري ..!!
أكلّمْ صفحتك عيّتْ تدور ونهتني بكرهـ
وعاف القلب هالصفحهـ وأيّدْني بتدويري ..!!
وغلاتك مو أنا اللي تهزّهـ غلطة البذرهـ
صعب اتأثر بغيري و غيري فيهـ تأثيري ..!!
وإذا راحوا جميع الناس عنّي وهانتْ العشرهـ
أظل الشامخـهـ بدمعي وأقول لضحكتي صيري ..!!
أنا مثل الذي يمشي بغابهـ كلّها خطرهـ
أكمّل خطوة دروبي ولا توقَفْ خُطا سيري ..!!
أنا ما همني حكي الجهّال أعوذْ منْ شرهـ
ولي غيرهـ على ديني ولا أسْمَحْ بتكفيري ..!!
أجي للحاقد مواجهـ ويجيني من ورى وكرهـ
يقول: وما صدقْ قولهـ وهمّهـ بس تصغيري..!!
كثر ما كنت أنا أسولف عليك وبحة النبرهـ
كثر ما رحت ناكرني ولا تفكّر بتفكيري ..!!
أنا شمسك وإذا إنتَ لقيت بغيبتي قمرهـ
مردّكْ لي وإنْ طالت بكْ الدنيا مع غيري ..!!
تبشّرني بأفراحك ولا لك بالحزن ذرهـ
عساها دوم ضحكاتك وتحراها تباشيري ..!!
بلا منّهـ عطيت وما أبي من هالعطا نظرهـ
أنا طبعي كذا دايم كافيـهـ شرّي وخيري ..!!
وخلْها قصةٍ عندك وإخذها لدنيتك عبرهـ
أزيدك خير بأفعالي وينقص كفْ تقصيري ..!!
شفتك طايح ودامي وجبرتهـ ساقك وكسرهـ
نطرته لينْ ما ورّدْ وسقيتهـ من تعابيري ..!!
مدامك طبتْ منْ جرحك وصارتْ صحرتك خضرهـ
أمانه لا تردّهـ يوم إذا جاء وردتك طيري ..!!
\\
//