أحلى قصيدة عن ثورة 25 يناير
هما كلمتين .. كلمة وكلمة .. مش هام مين .. إلا أن اسمع بذمه
دمنا ساح .. وحقنا راح..ناس مهضومه وناس مظلومه .. وحكومة نايمه ببال مرتاح
بأمر وزير.. تخرج تقارير.. فبركي ياحكومة.. ماحنا الطراطير
شهر يناير خمسة وعشرين .. طوفان مظلوم .. فاق من السبات .. يطلب حقه عقب أعوام
سنوات وعقود .. ذل وقهر .. فقر وجهل .. ولسان معقود
معقود بقانون.. طاريء وفساد .. ظلموا عباد .. باعوا بلاد .. وحملوها ديون
ديون فى رقبتى .. اديلك وقتى .. ولا اعرف انام . ابدا دلوقتى .. والحق اهو قام
قام ثوار .. شبان احرار.. من كل دار .. على الخير ناويين
والنيه بصوت .. كان مكبوت .. صرخوا وقالوا ..الطاغى يغور .. والظلم يلقى حتفه
نسق ينشال .. ورجال اعمال .. حراميه تقال .. اتغدو بلحمى واتعشوا سكوت
….
أفادوا عيال .. طايش مهزوز .. ولما نعوز .. ندوسهم فى الوضع
حدفوا قنابل مسيله وغاز.. وامن بخوذه ووش ازاز.. درع يمين وعصايا في شمال
جابوا مجموعات جنود .. تم قتلهم وجرحوا .. شبان وفتيات .. من كل حي
رصاص مطاطى ورصاص حي .. لايوم هنطاطى .. والنصر اهو جي
اعلام مشلول .. باعو المقتول ..خطاب اوهام ..ولا فى الاحلام
المشهود كفيف والمزياع اصم.. مليان تزييف ولا فيش دم
ساعه ايران وساعة اخوان ..والعملا هناك فى كل مقر
وجبات كنتاكى.. والمعزة تكاكى.. وباضت جبنه بيضه قريش
زى ماخالد وبعده بلال.. وباستهبال .. كسروا دماغهم بقرش حشيش
الحاج صابر والخاله سعاد.. بقدرة قادر.. بقوا من الموساد
..
دمك ياشهيد.. لايوم هايجف .. الشمعه تقيد.. وجروحنا تخف
الشعب اتهان من ده ومن ده .. وسيطر سليمان يقولك اجنده
احزن عليه ولا احزن على الهائل .. اللى قاعد فوق وحادفنا فى بير
انا حزني وطنى .. وهمى وطنى .. مش حزب وطنى .. اللى سارق وطنى
ارحل بخوفنا وخد معاك حُسن.. ولا اكنا شفنا .. جياد او حُسن
انا عاوزه يغور .. والكل ايضاً .. بالحزب بتاعه ونظامه الهالك
او اقولك ..خليك ..هانحط عليك ..فى مجال تحرير ..ونحجز مالك
الشعب خلاص.. مناشدة الخلاص ..فارقنا وارحل وانفد من سؤالك
بلادى جمهورية مصر العربية حرة ..ماتقولش ارحل ليه؟.. هى حرة.. وحرة بلادي
هاتحافظ على الامين.. مهما فقره كان.. ويسقط اللى خان.. وتطرد الاعادي