ﺑﺎﻟﻬﺎﻭﻥ ﻳﺎ ﻣﺠﻨﻮﻥ ..!!.. بقلم ﺑﺎﺑﻜﺮ ﺳﻠﻚ

السودان اليوم:
< ﺍﻟﻤﺮﻳﺦ ﻋﺎﻟﻢ ﺟﻤﻴﻞ
< ﺍﻟﻤﺮﻳﺦ ﺑﺨﻠﻲ ﺍﻟﻤﺠﻨﻮﻥ ﻳﻬﺒﺶ ﻭﺍﻟﻌﺎﻗﻞ ﻳﻄﻘﻊ
< ﺍﻟﻤﺮﻳﺦ ﺑﻨﺴﻴﻚ ﻛﻞ ﺍﻟﻤﺂﺳﻲ
< ﻟﻜﻦ ﻣﺎﺑﺘﻘﺪﺭ ﺗﻨﺴﺎﻫﻮ
< ﺣﺪ ﻳﻘﺪﺭ ﻳﻨﺴﻲ ﻧﻔﺴﻮ !
< ﻣﻤﻜﻦ ﺗﻜﻮﻥ ﻭﻟﻬﺎﻥ ﺑﺎﻟﻤﺮﻳﺦ
< ﺗﻠﻘﻲ ﺟﺎﺯ ﻓﻲ ﺍﻟﻄﺮﻣﺒﺔ
< ﺗﻠﻘﻲ ﻗﺮﻭﺵ ﻓﻲ ﺍﻟﺼﺮﺍﻑ
< ﺗﻠﻘﻲ ﻭﻇﻴﻔﺔ ﻻﺑﻨﻚ ﺍﻟﺨﺮﻳﺞ ﺍﻟﺴﺎﻳﻖ ﺍﻟﺮﻛﺸﺔ
< ﻣﻤﻜﻦ ﺗﻠﻘﻲ ﺍﻟﺪﻭﻻﺭ ﺑﻨﺺ ﺟﻨﻴﻪ
< ﻗﻠﺖ ﻟﻴﻜﻢ ﺍﻟﻤﺮﻳﺦ ﺑﺨﻠﻲ ﺍﻟﻌﺎﻗﻞ ﻳﻄﻘﻊ
< ﻣﻤﻜﻦ ﺗﺘﺄﻣﻞ ﻓﻲ ﺍﻟﻤﺮﻳﺦ ﺟﻮﺍﻙ ﻭﺍﻧﺖ ﺭﺍﻗﺪ ﺩﺍﻳﺮ ﺗﻨﻮﻡ
< ﺑﺎﻋﻮﺿﺔ ﻣﺎﺗﻌﺘﺮ ﻟﻴﻚ
< ﺗﻨﻮﻡ ﻋﺎﺍﺍﺩﻱ ﻭﺳﺎﻱ ﻛﻤﺎﻥ
< ﻭﺍﻧﺖ ﺑﺘﻤﺎﺭﺱ ﻓﻲ ﻋﺸﻘﻚ ﻟﻠﻤﺮﻳﺦ ﻭﻣﺎﺷﻲ ﻋﻠﻲ ﺍﻻﺳﺘﺎﺩ
< ﻣﻤﻜﻦ ﺗﻠﻘﻲ ﺟﺰﺍﺭ ﺑﻜﻮﺭﻙ ﺑﺎﻟﻤﻜﺮﻓﻮﻥ
< ﻛﻴﻠﻮ ﺍﻟﻀﺎﻥ ﺑﺠﻨﻴﻪ
< ﻛﻴﻠﻮ ﺍﻟﻌﺠﺎﻟﻲ ﺑﻨﺺ ﺟﻨﻴﻪ
< ﻛﻴﻠﻮ ﺍﻟﺒﻘﺮ ﺑﺮﺑﻊ ﺟﻨﻴﻪ
< ﻭﺍﻟﻜﺒﺪﺓ ﻣﺠﺎﻧﻲ
< ﺩﻩ ﺍﻟﻤﺮﻳﺦ
< ﻣﻤﻜﻦ ﺗﺬﻭﺏ ﻓﻲ ﺍﻟﻤﺮﻳﺦ ﻭﺍﻧﺖ ﻭﺍﻗﻒ ﻟﻠﻤﻮﺍﺻﻼﺕ
< ﻓﺠﺄﺓ ﺗﺴﻤﻊ ﻧﻤﻴﺮﻱ ﻓﻲ ﺍﻟﺮﺍﺩﻳﻮ
< ﻣﺎﺗﻤﺸﻮﺍ ﺑﻌﻴﺪ
< ﻧﻤﻴﺮﻱ ﺍﺣﻤﺪ ﺳﻌﻴﺪ
< ﻣﻦ ﺧﻼﻝ ﻧﻔﺮﺓ ﺍﻟﺮﻳﺎﺿﻴﺔ
< ﺍﻟﻤﺮﻳﺦ ﺑﺠﻨﻦ ﺍﻟﻌﺎﻗﻞ ﻭﻳﻌﻘﻞ ﺍﻟﻤﺠﻨﻮﻥ
< ﺍﺳﻲ ﻗﺪﻭﺭﺓ ﺍﻟﻤﺠﻨﻮﻥ ﺩﻩ ﻭﻟﺪﻭﻫﻮ ﻣﺠﻨﻮﻥ ﻳﻌﻨﻲ؟
< ﻣﻮﺵ ﻛﺎﻥ ﻋﺎﻗﻞ؟
< ﺍﻟﺠﻨﻨﻮ ﺷﻨﻮ ﺑﺎﻗﻲ ﻟﻴﻜﻢ ؟
< ﻻﺗﻬﺎﻭﻥ ﺑﻞ ﺑﺎﻟﻬﺎﻭﻥ
< ﻋﺒﺎﺭﺓ ﻣﺠﻨﻮﻧﺔ ﻳﻄﻠﻘﻬﺎ ﻣﺠﻨﻮﻥ ﺍﻟﻤﺮﻳﺦ ﻗﺪﻭﺭﺓ ﺩﻭﻣﺎ
< ﺍﻟﻴﻮﻡ ﻧﺴﺘﻠﻔﻬﺎ ﻣﻨﻪ ﻟﻨﺮﻓﻌﻬﺎ ﺷﻌﺎﺭﺍ ﻟﻠﻤﻌﺮﻛﺔ
< ﻻﺗﻬﺎﻭﻥ ﻳﺎﻣﺠﻨﻮﻥ
< ﺑﻞ ﺑﺎﻟﻬﺎﻭﻥ ﻳﺎﻗﺪﻭﺭﺓ
< ﺍﻟﺠﻤﺎﻫﻴﺮ ﻫﻲ ﺯﺍﺩ ﺍﻟﻨﺼﺮ ﺍﻟﻜﺒﻴﺮ
< ﻓﻲ ﻣﺒﺎﺭﺍﺓ ﺍﺗﺤﺎﺩ ﺍﻟﺠﺰﺍﺋﺮ ﺷﻜﻠﺖ ﻏﻴﺎﺑﺎﺗﻜﻢ ﻓﺮﺍﻏﺎﺕ ﻗﺒﻴﺤﺔ ﻋﻠﻲ ﺍﻟﻤﺪﺭﺟﺎﺕ
< ﺑﺮﻏﻢ ﺍﻥ ﺍﻟﻤﺪﺭﺟﺎﺕ ﺍﺯﺩﺍﻧﺖ ﺑﺎﻟﺸﻔﻮﺕ ﺍﻟﺬﻳﻦ ﺷﺮﻓﻮﻫﺎ
< ﻭﻟﻜﻦ ﺍﻟﺒﺤﺮ ﻣﺎﺑﻴﺎﺑﻪ ﺍﻟﺰﻳﺎﺩﺓ
< ﺍﻟﻴﻮﻡ ﻧﺘﻮﻗﻊ ﺍﺭﺗﺎﻝ ﺍﻟﺸﻔﻮﺕ ﺯﺍﺣﻔﻪ ﺻﻮﺏ ﺍﻻﺳﺘﺎﺩ ﻣﻦ ﻋﺼﺮﺍ ﺑﺪﺭﻱ
< ﻭﻳﺎﺣﻼﺗﻨﺎ ﻟﻮ ﺟﻴﻨﺎ ﻧﻠﺒﺲ ﺍﻟﻮﺍﻥ ﺍﻟﺸﻌﺎﺭ
< ﻟﻨﺸﻌﻠﻬﺎ ﻧﺎﺭ
< ﺍﻟﻴﻮﻡ ﻫﻮ ﻳﻮﻡ ﺍﻟﻼﺀﺍﺕ ﺍﻟﺘﻼﺗﺔ
< ﻻ ﻟﻠﻐﻴﺎﺏ
< ﻭﺍﺫﺍ ﺟﻴﺖ
< ﻻ ﻟﻠﻔﺮﺟﺔ
< ﻭﻻ ﻟﻠﺨﺴﺎﺭﺓ ﺍﻃﻼﻗﺎ
< ﺍﻟﻤﺮﻳﺦ ﺑﻤﻦ ﺣﻀﺮ
< ﻭﺍﻻﻭﻻﺩ ﺟﺎﻫﺰﻳﻦ ﻣﻮﻳﺔ ﻭﻧﻮﺭ
< ﻭﺯﺍﺩﻫﻢ ﻓﻲ ﺣﻨﺎﺟﺮﻧﺎ
< ﺍﻥ ﺍﻃﻠﻘﻨﺎ ﺣﻨﺎﺟﺮﻧﺎ ﺩﻋﻤﺎ ﻟﻬﻢ ﺍﻧﺘﺼﺮﻭﺍ ﺍﻧﺘﺼﺎﺭﺍ ﻳﺆﻫﻠﻨﺎ ﺑﻔﻀﻞ ﺍﻟﻠﻪ ﻣﻦ ﺍﻟﻠﻴﻠﺔ
< ﻭﺍﻥ ﺑﺨﻠﻨﺎ ﺑﺤﻨﺎﺟﺮﻧﺎ ﻋﻠﻴﻬﻢ
< ﺳﻴﻘﺎﺗﻠﻮﺍ ﻭﻟﻜﻦ ﺍﻻﻳﺪ ﺍﻟﻮﺍﺣﺪﺓ ﻣﺎﺑﺘﺼﻔﻖ
< ﻳﺒﻘﻲ ﻻﺗﻬﺎﻭﻥ ﺯﻱ ﻣﺎﻗﺎﻝ ﻗﺪﻭﺭﺓ
< ﺗﺠﻲ ﻭﺗﺴﺘﻌﻤﻞ ﺣﻨﺠﺮﺗﻚ ﻫﺎﻭﻥ
< ﺍﻳﻬﺎ ﺍﻟﻨﺎﺱ
< ﻻﺟﻞ ﺍﻟﻤﺮﻳﺦ ﻧﻀﻊ ﺍﻳﺎﺩﻳﻨﺎ ﻓﻮﻕ ﺍﻳﺎﺩﻱ ﺍﻟﺠﻤﻴﻊ
< ﻭﺍﻟﺒﺴﺤﺐ ﺍﻳﺪﻭ ﺑﻜﻮﻥ ﻛﺸﻒ ﻧﻔﺴﻮ
< ﻧﺮﻳﺪ ﺍﻥ ﻧﻤﻀﻲ ﺑﻌﻴﺪﺍ ﻓﻲ ﺑﻄﻮﻟﺔ ﺍﻓﺮﻳﻘﻴﺎ
< ﻧﺮﻳﺪ ﺍﻥ ﻧﺘﺤﺴﺲ ﺩﺭﺏ ﺍﻟﻌﻮﺩﺓ ﻟﻤﻨﺼﺎﺕ ﺍﻟﺘﺘﻮﻳﺞ ﺍﻻﻓﺮﻳﻘﻴﺔ
< ﻃﺒﻌﺎ ﺩﺭﺏ ﺍﻟﻌﻮﺩﺓ ﻟﻤﻨﺼﺎﺕ ﺍﻓﺮﻳﻘﻴﺎ ﺩﻩ ﺑﺎﻟﻨﺴﺒﺔ ﻟﻠﻬﻼﻻﺏ ﺯﻱ ﺩﺭﺏ ﺍﻟﺠﻤﻞ
< ﻻﻋﺎﺭﻓﻨﻮﺍ ﻭﻳﻦ
< ﻭﻻﻓﺎﺭﺯﻳﻦ ﺍﻟﻌﻄﺸﺎﻥ ﻭﻳﻦ ﻭﺍﻟﺮﻭﻳﺎﻥ ﻭﻳﻦ
< ﻣﺸﻮﻫﻮﺍ ﻋﺎﺩ ﻣﺘﻴﻦ؟؟؟
< ﺩﻩ ﺷﻌﺮﺍ ﻧﺎﺱ ﻓﻄﻮﻣﺔ ﻣﺎﻋﻨﺪﻫﻢ ﻟﻴﻬﻮ ﺭﻗﺒﺔ
< ﺍﻳﻬﺎ ﺍﻟﻨﺎﺱ
< ﻧﺠﻲ ﻛﻠﻨﺎ ﻟﻲ ﻣﺮﻳﺦ ﺑﻬﻤﻨﺎ
< ﺍﻟﻤﺮﺣﻠﺔ ﺗﺘﻄﻠﺐ ﺫﻟﻚ
< ﺍﻳﻬﺎ ﺍﻟﻨﺎﺱ
< ﺍﻛﺘﺐ ﻗﺒﻞ ﻟﻘﺎﺀ ﺍﻟﻬﻼﻝ ﻭﺯﻧﺰﺑﺎﺭ
< ﺍﺗﻤﻨﻲ ﺍﻥ ﺗﻜﻮﻥ ﺍﻟﻨﺘﻴﺠﺔ ﻗﺪ ﺍﺳﻌﺪﺕ ﺍﻟﺸﻌﺐ ﺍﻟﺴﻮﺩﺍﻧﻲ ﻭﺍﻟﻠﻪ ﺍﺩﺍﻧﺎ ﺍﻟﻔﻲ ﻣﺮﺍﺩﻧﺎ
< ﻟﻴﻜﻤﻞ ﺭﺑﻨﺎ ﻓﺮﺣﺔ ﺍﻟﺸﻌﺐ ﺍﻟﺴﻮﺩﺍﻧﻲ ﺍﻟﻴﻮﻡ ﺑﺎﻋﻼﻥ ﺗﺄﻫﻞ ﺍﻟﺰﻋﻴﻢ ﻣﻦ ﻫﻨﺎ
< ﻳﺎﺭﺑﻨﺎ
< ﺍﻳﻬﺎ ﺍﻟﻨﺎﺱ
< ﺇﻥ ﺗﻨﺼﺮﻭﺍ ﺍﻟﻠﻪ ﻳﻨﺼﺮﻛﻢ
< ﺍﻫﺎ
< ﻧﺠﻲ ﻟﻲ ﺷﻤﺎﺭﺍﺕ ﻭﺍﻟﻲ ﺍﻟﺨﺮﺗﻮﻡ
< ﻛﺎﻥ ﺷﻔﺖ ﻳﺎﻭﺍﻟﻴﻨﺎ
< ﺍﻟﻠﻴﻠﺔ ﺷﻤﺎﺭﻧﺎ ﻟﻲ ﺭﺑﻨﺎ ﺍﻟﺨﺎﻟﻘﻨﺎ ﻭﺑﺤﻤﻴﻨﺎ
< ﺍﻻﺣﻴﺎﻧﺎ ﻭﺑﻤﻴﺘﻨﺎ ﻭﺗﺎﻧﻲ ﺑﺤﻴﻴﻨﺎ
< ﻳﺎﺭﺑﻨﺎ
< ﻧﺤﻦ ﺷﻌﺐ ﺯﻣﻨﺎ ﻛﻠﻮ ﻓﻲ ﺻﻔﻨﺎ
< ﻣﻦ ﺟﺎﺯ ﻟﻲ ﺻﺮﺍﻑ ﻟﻲ ﺻﻒ ﻋﻴﺶ ﻧﺠﺎﻧﺠﺎ
< ﻳﺎﺭﺑﻨﺎ ﻭﻳﺎﺭﺑﻨﺎ
< ﺑﻨﺤﺒﻚ ﻛﺘﻴﺮ ﻭﻋﺎﺭﻓﻴﻦ ﺍﻧﻚ ﺑﺘﺤﺒﻨﺎ
< ﻟﻮ ﻣﺎﻛﺪﻩ ﺑﺎﻟﺤﺎﺻﻞ ﺩﻩ ﺯﻣﺎﺍﺍﺍﺍﺍﺍﻥ ﻋﺰﺭﺍﺋﻴﻞ ﻛﺎﻥ ﻗﺒﺾ ﻫﻨﺎ ﻭﻗﺒﺾ ﻫﻨﺎﻙ ﻭﺭﻭﺣﻨﺎ ﺍﺻﻠﻬﺎ ﻓﻲ ﺍﻟﺴﻬﻠﻪ ﻗﺎﻋﺪﻩ ﻫﻨﺎ
ﺳﻠﻚ ﻛﻬﺮﺑﺎ
ﻧﻨﺴﺎﻙ ﻛﻴﻒ ﻭ ﺍﻟﻜﻠﺐ ﻗﺎﻝ ﻭﻳﻦ ﺣﻨﻬﺮﺏ

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى