يا ستار اكاديمـي .. ويـا سوبـر ستـار
يا ستار اكاديمـي .. ويـا سوبـر ستـار
يا ستار اكاديمـي .. ويـا سوبـر ستـار
ويـن الحيـا ضـاع الحيـا والحمـيّـه
غـزو احتـلال الفكـر والفكـر محتـار
كيـف البشـر ترضـى بشـوف الدنيّـه
غـزو احتـلال الفكـر بالتافـه انــذار
سـخـف ومنـاظـر مالـهـا قابلـيّـه
افعـى تغلغـل بالفكـر سمهـا ضــار
تـورد عقـول النـااس حـوض الرديّـه
كـل الشعـوب وفـي بعيـدات الاقطـار
قــدام هالتلـفـاز صـبـح وعشـيّـه
عـزّي لرجـل ٍ هـل دمـعـه لبـشـار
يـوم اعلـن التلفـاز سـوبـر عطـيّـه
(بديع)( ماري ) .. قمة السخـف والعـار
( لاري ) تمـاري بـالـردى والخطـيّـه
( ميشيل ) مع ( بيتي ) .. ورقصات اليسار
شــي ٍ مخـطـط والقضـيـه قضـيّـه
( محمـد خـلاوي ) امتـلا كلـه غبـار
مـكـروه والله مــن تحـبـه غبـيّـه
لا مـا يمثّـل جيـل وافييـن الاشـبـار
جيـل الـوفـا والطـيـب والمقـدريّـه
عزّي لمجد ٍ طـاح فـي وجـه معصـار
وشبـت بوسـط القلـب نــار ٍ لظـيّـه
مـن قمـة المجـد لدهاليـز الاخـطـار
الله واكبـر .. وش بـقـى يــا بـريّـه
قالوا نجـوم .. إلا تيـوس ٍ بهـم صـار
مجـد العـرب مـا بيـن هـذه وذيّــه
لا ثـار بـارود التـحـدي والاصــرار
حنّـا عـذاب الخيـل فـي كــل هـيّـه
نبيـع مـا نملـك فــدى ديــن ٍ ودار
ودار تـبـقـى بـالـكـوادر غـنـيّـه
وحنّـا لنـا مجـد وحضـارات واخـبـار
نمشـي علـى نهـج الكـتـاب ونبـيّـه
غسيـل مـخ ولا رضـى دمنـا الـحـار
نتـبـع فـلـول الكـفـر والعنجهـيّـه
انصح صغار السـن قبـل انصـح اكبـار
تكفـون لا نصـبـح لـلاغـراب نـيّـه
الحـق مـا يفنـى ليـا صـار لـه ثـار
لكـن يبـغـى لــه عـقـول ٍ ذكـيّـه
النهج .. نهج المصطفـى سيـد الابـرار
والنفـس فـي درب المعـالـي جـريّـه
أمّـا نسـود الكـون بانجـاز واذكــار
والاّ .. يـا جعـل الله يجـيـب المنـيّـه