هما من جيل واحنا من جيل، مفيش تفاهمـ بينا 2019

طبعا فى كتييير مننا حاسيين انهم مش قريبيين من أهلهم
سواء باباهم أو مامتهم
وطبعا حاسيين انهم مش هيفهموم ابدا وانهم من جيل وانتوا من جيل ومفيش تفاهم

طيب انا مش هقلكوا ان باباكى ومامتك أكتر ناس فى الدنيا كلها بيحبوكى وبيخافوا عليكى
ومش هقولك انهم مهما عملتى هيفضلوا يحبوكى
لأن اكييد الكلام ده كله انتوا عارفيينه وحافظينه

انا عايزة أقولك ان احساسك ده أكييد عشان مفيش حوار بينكم
طب انتى لو فكرتى هتلاقى انك ممكن تحلى المشكلة دى ببساطه جدااا

♥~ هما من جيل واحنا من جيل، مفيش تفاهمـ بينا ~♥

أولا، انتى حاولى تقربى منهم تروحى تقعدى معاهم مش على طول نت وموبايل وتلفزيون
اقعدى معاهم كلميهم حاولى تفتحى معاهم مواضيع، شاركى فى المواضيع اللى بيتكلموا فيها لو مناسبة

♥~ هما من جيل واحنا من جيل، مفيش تفاهمـ بينا ~♥

ثانيا، حاولى دايما تحكيلهم عن يومك عامل ازاى سواء فى الدراسة أو الأجازة
احكيلهم مثلا عن موقف مضحك استشيريهم فى اى استفسار او سؤال ليكى او حتى لصاحبتك
حاولى يكون فى حوار دايما

♥~ هما من جيل واحنا من جيل، مفيش تفاهمـ بينا ~♥

ثالثا، دايما اسأليهم هما فى كل امورك
ممكن تقولى انهم مش هيفهموكى اوى عشان هما من جيل تانى والكلام ده
طيب انا هقولك استشيريهم واساليهم لأنهم أى حاجة هيقولوها عمرها ما هتضرك
وممكن برضه بعد ما تساليهم انتى تضيفى حلول من عندك وتعرضيها عليهم وبكده تكونى عملتى ميكس بين الحلين هع هع هع

♥~ هما من جيل واحنا من جيل، مفيش تفاهمـ بينا ~♥

رابعا، لو شايفة انهم هما اللى مش بيدوكى الفرصة للكلام
حاولى مثلا لو هما مهتميين بالسياسة كلميهم شوية فيها
اسأليهم مثلا عن اللى كانوا بيعملوه وهما صغيريين
افتحى مجال تتكلمى فيه معاهم حتى لو حاجه عادية
وبعدين تتكلمى معاهم واحدة بواحدة عن حياتك ابدأى بحكايات عن حياتك
وبعدين ابداى اساليهم وبكدة هتكونوا بتقربوا واحدة واحدة

♥~ هما من جيل واحنا من جيل، مفيش تفاهمـ بينا ~♥

أخيرا أحب افكرك انهم برضه نفسهم انهم يقربوا منك لأنك بنتهم وهما أكتر ناس هيخافوا عليكى
وطبعا يا ريت يكون الحوار بأسلوب حلو ولطيف منك عشان يحبوا يتكلموا معاكى
وأفكرك ان مفيش حد أقرب ليكى من باباكى وماماتك

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق