مواهبى هتبقى مفيدة 2019
كل بنوتة عندها موهبة بطتلعها في وقت الفراغ
بس أحنا مش عايزين نغضب ربنا بالمواهب و كمان عايزين تبقى مواهبنا مفيدة لينا
نبدأ بالمواهب واحدة واحدة
القراءة
طبعا دي من غير مقول موهبة مفيد عارفة ليه عشان بتقري في معلومات عامة أو في أي حاجة بتحبيها بتستفيدي و بتكسبي حسنات لأن طلب العلم فريضة على كل مسلم و مسلمة و ممكن تقري عن دينك أكتر عشان تستفيدي و طبعا ممكن تقري أحلى كتاب في العالم القراّن
الغناء
زي ما ممكن ناخد من الموهبة دي سيئات زي ما ممكن ناخد منها حسنات أحنا صوتنا حلوة بدل ما نغني الأغاني اللي بالموسيقى ممكن تغني أناشيد زي بتوع طيور الجنة و ممكن حاجة أحسن من كدة بكتييييييير ترتلي القراّن بصوت جميل هتاخدي ثواب كبير أوي
الكتابة
طبعا ممكن تكتبي هنا في المنتدى و تنمي موهبتك و كمان تفيدي الناس و تاخدي ثوابهم أو ممكن تألفي قصص ليها مغزى و مفيدة تفيدك و تفيد غيرك
التمثيل
ممكن تمثلي قدام صحباتك أو أهلك تمثلوا مثلا قصة بيبقى فيها عبرة و ممكن تمثلوا قصص دينية
الرقص
ممكن تتعلمي حركات أستعراضية بس بلاش الرقص اللي على موسيقى
منها تنمي موهبتك و تبعدي عن السيئات
الرسم
أرسمي الرسمات الطبيعية مش بشر أتأملي في خلق الله و أرسمي منها تاخدي حسنات لأنك تأملتي و منها تنمي موهبتك
يا بنات دي المواهب اللي أنا أعرفها لو عندك موهبة تانية قوليلي و أنا هساعدك أن تستفيدي منها و تكسبي من وراها حسنااات