ليت تفهم

——————————————————————————–

ليت تفهـم غايتـي بليـا كـلام
ليت تقرا حسرة بيـن الدمـوع
ما أبا نظـرة شفاقـة أو مـلام
احتوي خوفي ورجفات الضلوع
مد يدك ضاع دربي في الظـلام
ضعت في دنيا بها قلبي ولـوع
ما عطتني غير أوهـام وسقـام
كل حلم يوقـده قلبـي يضـوع
من طعون الوقت صابتني سهام
ومن ظنون الناس يا قلبي جزوع
ينقضي ليلي وعينـي مـا تنـام
والليالي توهت فجـر الطلـوع
طال صبري والشقا فيني حـرام
بي مضى وقتي وماله من رجوع
أرتجي حبك وتهدينـي خصـام
وأنتظر ودك وهو عني منـوع
آه ياوقت مضي مـات الغـرام
به سقيتك وانت تسقيني خضوع
تهت في دربي أيا ويـن الوئـام
وين أيام ضوت فيهـا الشمـوع
ليت تحضني وعلى صوتك أنام
ينتهي خوفي وتنساني الوجـوع
ليش يا دنيا الكدر فينـي وسـام
يختلط حظـي بآهـات ودمـوع
منوتي رب عـلا روس الأنـام
ساجد ليلي وله روحي خشـوع
أشتكـي هـم تملكنـي وضـام
باكي جفني ولا غيـره سمـوع

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق