لاعاد اسمع منك هرجً سمعته ؟؟

لاعاد اسمع منك هرجً سمعته ؟؟

هذي إحدى قصائدي اتمنى ان تنال إعجابكم

جــاني اتصال بتالي الليل وفـزيت
جـتني تقول ارحم قلب جرحته

……… تراك بتــعذيبي تـماديت
ارحــم دمع لجل عينك سكبته

….عجزت انساك وحاولت وازريت
ودمــوع عيـني شاهده ماكذبته

دايم افكـر فيـك لاصبحت وامسيت
واحـسب بالساعات صوتك فقدته

جلست ساكت واسمع الهرج وصديت
وقـرب دمعي وبصعوبه مسكته

وتـغيرت نـغمه كـلامي وحـسيت
بـعظم كبر ذنبي وذنب اقترفته

ومدري انا وش قلت لها وويش خليت
ياقـلت شي طول عمري ماقلته

كـتبت فيها ابـيات وفـيها تــغنيت
ودلــعتها وانـسيتها مـافعلته

وارضيتها وضــحكتها وقـلت ياليت
ماعـاد تمر ليله مثل ليل سبته

وقـلت انـا مـعك كـيت او كـيت
ويوم اضحكت حسيت فعلاً بسكته

مـزيونة فـيهاعز الله اخــطيت
وقــبلها درب الهوى ماعرفته

بنت لها داخل حشاي منزل وبيت
ومسكان ماقد قبلها من سكنته

فيها جمال وحسن ودلع واتاكيت
ورقة مشاعر وخلق وطيبه وسمته

وفوق الجمال ابها بدواه ولها صيت
من روس قوم فعلهم كم سمعته

من عقبها قد عشت حي كما ميت
وقلبي مـعاها هي مني اخذته

قعدت افكر ثم قررت ورديت
وطلعت نتائج اجتماع اجتمعته

باصون حبي وفي هواك استمريت
ولاعاد اسمع منك هرج سمعته

إقراء أيضا  ضمت يديني....... قلت توك تحنين
الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق