كلمات اغاني الفنان مزعل فرحان

توك تحسف

توك تحسف يوم حبيت غيرك =توك تندم من تصاريف الاقدار

وين انت يوم صافي لك اسيرك =امشي بشفك عيشتي كلها امرار

كم قلت لك يازين حاسب ضميرك =ترى الزمن في غمضة العين دوار

خل التمادى لاتعذب عشيرك= وافهم ترى للصبر حد ومقدار

لكن عنادك حاجب عن نظيرك= اسيرك اللي في الهوى صاح منهار

مادام دمعي منظرة مايثيرك =لالا تندم وانس حب لنا صار

ابعد ولا تربط مصيري بمصيرك= ماظن حب يدفع اليوم جبار

كلمات..بملا عيوني بالنظـــر…
بملا عيوني بالنظرقبل لا أموت * وإن كان طولت النظر فأعذريني
واحاول اثبت شي ماهو بمثبوت * واحاول اهرب وانت موجود فيني
مبهوت في دنياي واظل مبهوت * ولا من بقيت الصاع تكسر إيديني
واصيح ولاكن صيحتي مالها صوت * وابكي ولاكن دمعتي وسط عيني
دخلك ترى كل العمر يوم ويفوت * وتذبل عقب فرقاه اكثرت سنيني
كل الكرم ماتحتظر يوم وتموت * وابكي على الدنيا وهيا ماتبيني
مقيد مالي قدر ابقاك مفلوت * ماعاد تبعد عنه يسار يميني
ولاعادني حل ولا شرب او قوت * وايقنت بأن الحين ماهو بحيني
ونفس الطريق الي ما عاد يأتي بسكوت * برجع معه والي يجي يجيني

كلمات..الوفا طبعـــــــي
الوفا طبعي ولا احب الوداع=لا توادعني و تتركني حزين
و الحزن دايم رفيقٍ ما يطاع=كود تضحك له على مر السنين
الشقا مقسوم و الفرقى ضياع= والدمع سكاب و الضحكه ونين
و العمر ما ضاع وياها والخداع=كلما غاب القمر عوّد يبين
لاح في دنياي من عقبك شعاع=و الشقا في الروح بذره الحنين
ودي ارجع لك و جرحي ما استطاع=هلّت دموعي على فرقى الضنين
ما اتحمل نظرتك يوم الوداع=ما اتحمل شوفة الدمع الحزين
و انت مركب لي و انا وسطه شراع=كيف يبحر و انت من عقبه تشين
مد لي يمناك لا تطري الوداع=بانسى ما قلته على مر السنين
عمري اللي ضاع من شانك يباع=ارخص ايامي ولا اشوفك حزين