قصاااااااااااائد الملتاااااااااااااااااااع

قصاااااااااااائد الملتاااااااااااااااااااع

اليوم ذكرى الفراق ومرت اول سنه اليوم لي عام متغرب وحيد وحزين

اليوم انا ضيف جرحي جيت ابا اطمنه اني جمعت الدموع وجبت امانه امين

مايجرح الصادق الا قدر من يامنه لاجت من احباب قلبك لاتلوم السنين

مليت من هل الاماني دام مي ممكنه

لاهي تحقق ولاياسي بوجهي يبين

الوين انا وانت مثل الشمس والازمنه

مع كل صبح يجدني لشمسك حنين

لاقلت احبك كنها دندنه اوكنها ورده مابين اصابع جنين

يااجمل الناس لك بين الملا هيمنه كثير غيرك ولاكن

مين مثلك وين ياعاذلي خذ عيوني يمكن تثمنه تشوف عينه

وانا اشوفه ملاك حسين امس افترقنا وانا احسب مرت اول سنه

ياطولها ليله الفرقى سنه للهزيمه

علمتني وشلون احب علمني كيف انسى

يابحر ضايع فيه الشط والمرسى علمتني واشلون احن علمني كيف اقسى

سير علي بس امسح ادموعي وروح سير علي جبلي معك قلب وروح

سير علي الا تذكرت الجروح ياطاغي النظره خطا تجزي بهل البخل العطا

وانا الي اهديتك امن عين وجفن هذي فراش وذا غطا

ياجرح من وين ايتدي وانت معي من مولدي وعيت يدي على وداعك تهتدي

بس انت علمني الجفا دامي عجزت اعلمك كيف الوفى

علمتني كيف السهر ونسيتني الممسى

علمتني واشلون احب علمني كيف انسى

ما جته يحتريها موعد امال كبار ناجته

يحتريها حافظ بعض الكلام الي يبلغ حاجته

يتامل بل الوجيه يتحراها تجيه والثواني ياس يرجي وترتجيه

لاتامل بل الوجيه موعدك لا ما تجيه وما جته

الناطر الموعود اشبهه بل العود

الي وقفت يوم على متنه حمامه راحت وناطرها تعود

طويل نفس ليله ويرجي صبر حيله ويله كم تامل بل الوجيه وكم تحراها تجيه وما جته

لو قيلي ان القمر ياطى على متون النجوم والشمس لاجى الليل ترخي جوانحها وتنوم

وان الغيوم قلب على الصحرى حنون اصدقه وما اصدق تجيه

الي على خده يده والي الامل بسمه ندى قم تامل بل الوجيه موعدك يمكن تجيه وما جته

حبيبتي لامن غديت لي سراج اتبعه وكني غديت من الضما اركض ويطردني السراب

لاتبخلين الا شربتك ما شربتك من سعى دامي من جروح الهموم الموجعه كلي صواب

اليوم مرتني السواني والفصول الاربعه

اليوم مريت المواني والمباني والسحاب

اليوم ماكني لقيتك مر صوتك مسمعه

اليوم ماكني فقدتك من سؤالين وجواب

يابنت في خدك وهج سيل الشموس الساطعه

احرق بداخل داخلي انسان ماهو لتراب

والي خلق ظلما الليالي في العيون الهاجعه

اني من الحرمان اتسال وحرماني جواب

يوم الوداع اتخيلي مالي حبيب اوادعه محروم انا واتخيلي محروم حتى من العذاب

يابنت لي قصه تطول بكلمتينن موجعه هي بختصار اني انا اركض ويطردني السراب

انتهى الموعد وانا تو ابتديت اجمع احساسي من ذهول اللقا

ذبت من نار الحنان وما دفيت والشتا ضيع ظنون اللي هقا

قلت كل اللي ابيه وما حكيت كل حكي الشوق لعيوني رقا

تهت وبرعشه يديها اهتديت وش قضى من عمر حلمي وش بقا

انتشي واذا نوت تمشي شكيت للزمان بساعتي طول الشقا

وين بلقاها بعد هذا وليت ضاع معها الوقت بذهول اللقا

عبد العزيز

لي ولد له صوره في قلبي تملا البراويز

حر شجاع نادر ماهو لزيز اغليه واحبه كثير

وانا بعد عنده عزيز على رضى امه وابوه وجدته دايم يحيز

افتخر به بالعلم واللعب دايم ماينغلب

ولانه بقلبي عبدالعزيز سميته باسم الاخو

باسم الابو وباسم جدي والفخر عبد العزيز

احيان احس الامل قدام واحيان احس اني اتوهم

واحيان احس الملا هيام واحيان اقول السكوت ارحم

اتعبت سهر ماتعبت تنام الى متى وانت ماتهتم

ماقلت لك تشبه الايام تجرح وتنسى ولا ترحم

تعبت اسافر مع الاحلام ولا اكتشفت اني كنت احلم

الين صحتني الاوهام ; ; على جروحي وانا مغرم

الحب احلى قدر لو دام &am p;nb sp; الحب اغلى امل يرسم

بحب لين اعذر اللوام بحب لين الندم يندم

تعالي كثر مارحتي لو مره تعالي

مثل همي مع الظلما تعالي

كثر ماكلموني فيك عذالي تعالي

طيفك ملا كل الليالي وافي مثل جرحي

اغفي معه واصحي غير صور كل البراويز

شال الصور وحط العزيز اقفل علي الباب وحدي بلا احباب

يرفع ظلام ستارتي ويدخل بلا اسباب

طيفك غريب طيفك قريب طيفك ابد مايشبهك

وافي وحبيب ياوطني ياحبي ياعاصمه قلبي

حبيني لو ليله حسي بي لو ليله اسهري لي بانتظار

دوريني في الديار الحب مو جنه وبس الحب ماهو بس نار

قدر ولافيه اختيار يامسافره لليل جيبي لي شمس

يامسافره للصبح جيبي لي امس

الحب يبغي حاسه غير الحواس الخمس

باريس

واحد خايب حظه تعيس سافر تقسيط لباريس

كذب على ام العيال رايح ادور عمال جمع الورث حصاد الحرث

وقبل يسافر يا ساده سجل في نادي كل العاده يسوي برنامج تخسيس

قام يدور شنطه تكفي وكل هدومه قبل يصفي عشر فنايل علاق وشورت وشراب ماقيس

قالت ام عياله تكفى خذلك لبس شوي يدفي قال فباله يا مسكينه

والله قدامي الي يدفي قام يودعها وقالت له خذ بالك يانور عيني وتعوذ دوم من ابليس

قال فباله يا مسكينه وانا من عازمني غيره ناطرني ابليس فباريس

سافر صاحبنا بطياره واسبوع انقطعت اخباره ماحد يدري وين دياره وام عياله بصعب حاله

تحسب وتعدد وتقيس وفليله دق التلفون جا صوته مبحوح ومرخي لا له طعم ولا لون

يتكلم من غير حروف عنده حرف الرا محذوف قالت ام عياله وش بك صوتك خافي كنه حسي

قال انتبهي ظنك يشطح بس كنت شوي احكي فرنسي قالت عفيه يا كحيلان

وش اخبارك يابو فلان قال حصان شفت الي ماشاف انسان شفت الربع سبع وضبع

في العصر شيوخ تتشامخ وفي الليل احلا طقه صبع وفي الشانزليزيه نصف الليل

يا فلانه شفت ام محمد وش تسوي تتهجد وش هو هذا الشانزليزيه هذا شارع قهوه

فيها كل شياب الربع كل واحد يشرب من نبع واحد راجع غصب للهوه وواحد يقرا القدس معارض يشتم كل امه وما تهوه

وشايب لاهذا ولاهذا لاعقل وقلب ولا شهوه ام عياله جابت راسه غصب يوديها لباريس

يمكن تلقى البنت عريس والبنات اه يا البنات ابو فلان اش فيك يام عيالي صاير شي

صاير لبس الناس شوي وعينك ماتقدر تمنها ومن ضيق هدوم البنات تحلف ان الملبوسات للاخت الي اصغر منها

ومن كثر المكياج الخادع شفت بعيني شي ما شفته شفت فلان يغازل اخته وانت اش تسوي يمناي انا مع هالناس خطاي يوم يتحقق لي مناي ويوم ملقى حد حداي لكن من حبي لها الشارع دايم ودي اني اثنين واحد رايح واحد جاي

وعيال الديره اسم الله ايه كل واحد جهز له حكايه كذبه ع البنت المسكينه ضحكه وقصيده وسكينه بجيب مشط وجيب مرايه يمشي ووراه الحمايه مو حبيب امه مهم واحد ويسوي امم لازم نامن عليه يمشي قدامه علم وشفت يام فلان ذاك الشاعر اللي يشتري بالمال شعره للتسلي يشتري حتى المشاعر من اهل بيع المشاعر اللي كل شعره جديد والصحافه له عبيد واللي احساسه نشيد تعرفينه اللي حتى مايعرف يلقي القصيد ايه عرفته تقصد طلال الرشيد لا لا ادري ادري كنت احسبك ياحبيبي شخص ثاقب انت مو بكرى بتجين تبغى كم مره تعاقب انت ماتعرف ياغالي انه تلفونك مراقب

يا احمد تركت الحبايب

يالله هز الصدور وثبت اهل القبور الين نرضى وبقبور الحبايب عمار

يالله ماكل هم تحتمله الصدور لاشك الايمان ثبت قلب راع الوقار

يالله والموت سنه وانت بس الغفور تغفر لاحمد ومن يبكي على احمد وجار

يالله حنا فقدنا ضي ظلما ونور يالله حنا لقينا الليل جب النهار

ياهل النعش وش حملتوا غير نجم سفور وقبله فلا حسب نجم بالثرى له مزار

ياهل النعش وش حملتوا هو طويق يبور ويخلي اللي بنوا بظلال شمسه ديار

يا احمد تركت الحبايب يندبون الدبور يا احمد لقيت الحبايب عند ربك خيار

يالله وش نذكر احمد غير طيب مخبور يالله وش ننسى في عطاه اعتذار

وش باقي الا بذكره بالصدور الشعور وش خلص الا الصبر والفرح والاقتدار

وش راح غير الرفيق الهيلعي الغيور وش جا سوى بالحنايا جمر سمر وشرار

وش نام بالعود غير حصان ربعه جسور وش قام بالصدر غير الحزن قومه مجار

امين جعله كثر فعله يحصد البذور وتسكنه عالي الجنه ونعم الجوار

يالله والموت سنه والليالي عبور ادري وحنا عبيدك كلنا بانتظار

مقتطفات من شعر طلال الرشيد رحمه الله عليه

انا والله اصلح للمعالي وامشي مشيتي واتيه تيها

امكن عاشقي من صحن خدي واعطي قبلتي من يشتهيها

اذكريني ليله جفني جف جفني ارق ولاحكو عن مستهام لو يخير مايتوب

صدقي ان الجفا بعضه وفا لامن صدق واقسى معنى للمواجه صدقيني فالهروب

كل ماجيت اباصل يم نورك نحى مثل شمس على ليل وفي تستحيل

اه ياهم عمري وش بقى مانحى كل ماكتب على الما لك رساله تسيل

من يقول ان الحب بسمه ماتفوت لو يحب يشوف كم مره يموت

في الجفا وقبل الجفا وبعد الرحيل وكل ماقيل

شلي خلى المر فعيونك جميل قلت احبه حيل

طفلتي قد كتبت اسمك بما وانمحى

فوق يمك بهمك كان دمك يسيل

تلمع الشمس في خدك واشوف الضحى

وارفع الليل مع جفنك واشوف النخيل

اقبل وتقفي واعتذر عن خطاياك

واقول ماعييت عيا زمانك

وان خانتك دنياك او خنت دنياك

ارجع وتلقاني مكانك مكانك

ميت وانا حي

بيني وبينك عرفت الموت تحب والحظ متجني

تبي الصدق حبها منحوت واصبحت منها وهي مني

افرشلها القلب بل الياقوت واقول يادلي اتمني

صدري قصور ومدن وبيوت وهي المليك اللي يحكمني

ياويلي ويلي عليها صوت تحكي تقل كنها تغني

وسكوتها غير كل سكوت كل شي فيها يكلمني

قد شفت شمس ازرعوها توت بشفتها التوت متثني

ياحلوها والقلم مبهوت وش يكتب وبوصفها عني

هي دنيتي والهوى والقوت وان غبت عن وجهها كني

متغرب وغربتي تابوت ميت وانا حي مستني

قولولها لو يفوت الفوت هو ينفع الصوت متعني

وقولولها والله الا اموت لو خاب في حبها ضني

تاريخ الاجداد

حنا ولامن قلت حنا تحنا كل الكلام بعطر تاريخ الاجداد

المجد هم وهام فينا وغنا حتى علينا من على روس الاشهاد

ياكبر حض اللي نخانا وثنا نشد له فوق الفخر سرج وشداد

ان هلل التاريخ غطرف وطنا وان سولفوا عنا رجاجيل واجواد

وان بان لك شمس ترى ذيك حنا نشرق مدام الظلم ظلما وحساد

يابنت يمي كان رمشك تمنا واشق لك ثوب السما جود وعناد

واشد لك زمل بجفن المعنا واسري بوجهك لاغشى وجهي سهاد

ياحلو قدك يوم قدك تثنا محد تغنى فيك من خوف الالحاد

حنا البدو يابنت هذا لحنا نحبك اكثر لاغدى حبك جهاد

وحنا البدو يابنت لامن نخنا بناتنا يثالث العيد الاعياد

وحنا البدو يابنت وان قلت حنا فاح الكلام بعطر تاريخ الاجداد

اتمنى ان اكون قد وفقت بتجميع جزء من ابداعات طلال الرشيد الله يرحمه وانشالله تحوووز علي استحسانكم”””””””””””””””