صباح الخير ياوجهن بشوفه أشعر اني بخير..

مسائكم ورد .. وصباحكم نقاء

الى كل الهامسين ..اشتقت لكم………..

صباح الخير ياوجهن بشوفه أشعر انـي بخيـر
ألااا يالله لاتحـرم عيونـي شوفـة عيونـه
أحبه واعشقه ..لا لا ..أحبه واعشقه بس غير
غرامن مايشابه لـه غرامـن حلـل جنونـه
لأني ان بغيت اعشق واخربها مـع التعميـر
أعمر له بخفقاتـي بيوتـن خلقـه موزونـه
أبيها تاصل العالـم حكايـه صدقهـا تأثيـر
حكايه ماهي امجرد مقـال بحـب ينسونـه
أحبك لاخر حدود المشاعر لأصدق التعبيـر
أحبك كلمتن صعبه تعـد أشيـاء مكنونـه
أبيك أكثر من احلامن وجودك ضمنها تفسير
وابيك أوفى من مشاهد عيونك بنت مزيونـه
سقا الله أيام عشناها مابين الـود والتقصيـر
مابين الشوق وعتابك وكلمة:ياغـلا كونـه
حبيبي كل مافينـي يحبـك والغـلا تعزيـر
حدود الموت يعبرها خفوقي والشقـا دونـه
خيالي يرسمك آيه ظلمها الوصف والتصويـر
كفايه..طلتك خلت نجـوم الليـل ممنونـه
ألا ياحظها ثيابن تعانـق جسمـك بتغييـر
تغيّر ملبسك واللي خذلها الحـظ مركونـه
أنا اشهد كل من عاشر خفوقك تمنحه تقدير
تشرّف كل من صافح يديك وقلت وشلونـه
صباح الخير ولاّ بس يكّفي شوفتك في خيـر
ألا يالله لاتجعل سنيـن العمـر مـن دونـه

الوسوم
إغلاق
إغلاق