سراب الحلم

سراب الحلم

ان طار سرب الغلا والشوق طيرني

أتعبني الحلم لين .. الواقع أنكرني

شفت ماعلى الارض واحد ماتعديته

خذني على صدرك الدافئ وسيرني

أبنشغل في عيونك لاتدورني

ودي بشئ اشوفه مابعد جيته

خليت قلبي معك والله يصبرني

مبطئ أنا اقول وين خليته؟

نسيت أعلمك طيفك جاا يسهرني

بس أنت ماشفتني وشلون ضميته

أشتقت لك مابغيتك عاد تشكرني

تغيب والشوق ماعمري تباطيته

مآخذة على خاطري والبعد قاهرني

مدري شسوي وانا كلي شئ سويته

العام يوم الوعد تسبق وتنطرني

مستغربه وشلون هالموعد تناسيته

وين أنت رايح ولا كنك معبرني

ماكني اللي على العالم تمنيته

لاصار هذي علومك راح تخسرني

ماعمر احد راح من كيفه وناديته

عند الكرامه أبيعك وانت خابرني

الله وكيلك ترى كل شئ مريته

كانه هجر بالسلامه روح واهجرني

أخوي لاصد عني ماترجيته!!!

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق