روحي افتحي الباب يا زهرة .. يووه يا ماما اشمعنا اختي مفتحتهوش ليه مفيش غيري في البيت 2019

صباح الفل علي احلي بنات

واللي بيقرأ الموضوع باليل مساء الفل علي احلي بنات
سعيدة قوي
ازيكم يا احلي بنات عاملين ايه ؟
بقالي كتير اوي مش بعمل مواضيع
بجد وحشتوني ..
هرجع ازهقكم تاني بقي
ايه اخبار رمضان معاكم
ان شاء الله كله تمام وزي الفل
انتي يا زهرة
قاعدة دلوقتي علي الكمبيوتر
مامتك بتقولك : روحي يا .. ( اسمك ) افتحي الباب
أنتي : يوووه يا ماما .. اشمعني .. ( اختي أو اخويا ) ميفتحش هو انا الوحيدة اللي في البيت

مامتك : قومي لحسن هيكون في عقاب
لآلآلآ
استني استني استني
ستوب ستوب ستوب
عقاب ايه وبتاع ايه !!
زهرتي حبيبتي العزيزة
ليه كده
بس ليه يا زهرني كده ؟
ليه تخلي مامتك تزعقلك ده بدل ما تجيبليها وردة
ولا حاجة ولا هدية
هقووولكم النظام السيكرت الشرير هههههـ لا ولا شرير ولا حاجة

أصحي من النوم زي اي بني ادم احم احم
اغسل سناني ووشي وده طبعا اللي بيعمله اي انسان ( ممكن ادخل استحمي انا بستحمي يوم اه ويوم لا )
لو هدومي مش نضيفة اغيرها لو شعري مش متساوي اسرحه
( لحسن اللي يشوفني يقول غوريلا قاعدة في البيت )
هتاخدي شاور حلو زيك بشاور وشامبو وبلسم ريحتهم حلوة زيك
ومفيش مانع من رشة برفان
تخرجي بقي تقولي :صباح الخير / جود مورنينج / بونجور / بوينس دياس / جوتن مورجن / بونجورنو / جونيدين
اهو بالسبع لغات عربي وانجلش وفرنساوي واسباني والماني و ايطالي وتركي
هههههههـ اختاري واحدة بس مع ابتسامة رقيقة
صباح الخير يا ماما يا حبيبتي
ومفيش مانع طبعا انك تدلعيها
مثلا اسمها الدلع
او يا مام او يا مامي او يا مما
انا بقولها يا مامي اختاري انتي وشوفي
ومفيش مانع برضو ان حضرتك لو اتكرمتي
وخليتي شوية من المصروف كل يوم ممكن تجيبلها هدية تفرحها
برفان / كوبايات / لبس / اطباق / ساعة / شيء كانت عاوزاه لكن ماكنش في وقت
وطبعا يا ستي هتخرجي بمساعدة بابا او اخوكي او اختك
تمام كده خصصي لنفسك ان كل اسبوع لازم هدية
معرفش بقي اتشقلبي بهلوان ههههـ لا بجد
وطبعا متنسيش الاعياد المهمة :
عيد الام/عيد ميلادها/عيد الحب( اذا كنتي بتحتفلي بيه لو مبتحفليش بيه او في عيد الميلاد يبقي اكيد طبعاً لازم عيد الام )

وطبعا كل يوم لازم تبوسي راسها وايدها وتقوليلها بحبك
او كلمة رقيقة كده
ادخلي علي فتكات يا ستي قسم المطبخ
وشوفي اكلة ينفع تتعمل
واعمليهااا
هتمبسط منك جدا جدا جدا
وطبعاً غير انك بتسمعي كلامها طبعا
ومبتخبيش عليها حاجة
لآن مامتك صديقتك طبعا
وطبعا مجموعك في المدرسة اللي يرفع راسها انك بنتها من الاوائل

في نهاية الموضوع حابة اقول لكم
ان طبعاً الجنة تحت اقدام الامهات
ساعدو مامتكم يا بنات حبوها واسمعو كلامها
بحبكم كلكم يا قمرات
متنسوش التقييم والردود
تحياتى

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق