حصري ازاي تخلي الناس تحبك. والموضوع دا اجابة علي السؤال المعروف..ليه الناس مش بتحبني 2019

ازيكم يابنات
بتوحشوني وبما اني كسولة هنا معاكم
حبيت اني اعمل موضوع حصري ليكم هنا وبس
وطبعا زي مانتو شايفين فالعنوان
ازاي تخلي الناس تحبك ؟؟؟
بما اننا فسننا دا دايما نقول
ليه
مفيش حد بيحبني ؟ ليه الناس كلها بتبعد عني ؟؟،
انا بقي هتكلم معاكم فى الموضوع دا والكلام من قلبي بجد
تمام يابنات
تمام
ندخل فالموضوع بقي ياقلبي
حصري ازاي تخلي الناس تحبك. والموضوع 3dlat.net_04_16_c793
هحكيلكم الاول حدوتة كدة
بس متزهقوش مني بقي
كان فيه واحدة زهقانة من حماتها ووصلت لدرجة انها عايزة تموتها
راحت لدكتور قالتله انا عايزة حاجة تموتلي حماتي بس بالبطيء
يعني متموتش بسرعة
فالدكتور جابلها حاجة وقالها كل يوم تديها منها شوية
وتجيلي بعد شهرين بس هطلب منك طلب
تعامليها كويس عشان دي اخر ايام ف حياتها ف الدنيا دي
فقالت للدكتور حاضر
وبعد شهر ونص راحت للدكتور قالتله انا عايزة حاجة متموتش حماتي خلاص دي طلعت طيبة وبتحبني
فالدكتور قالها عشان تعرفي ان الناس هتحبك معاملتك ليهم وعشان كدة وانا بديكي الدوا قلتلك انك تعامليها كويس وكدة
وعلي فكرة الدوا اللي عطتهولك مبيعملش اي حاجة دي فيتامينات مقوية وملهاش اي اضرار
هاااا فهمتو انا قصدي ايه من القصة
انتي لو عاملتي الناس كويس الناس هتحبك اكيد
حصري ازاي تخلي الناس تحبك. والموضوع 3dlat.net_04_16_c793
مشوفتيش قبل كدة الحكمة اللي بتقول عامل الناس بما تحب ان يعاملوك به
الحكمة دي مرة شوفتها وانا ماشية
ومن يومها وهي متعلقة ف مخي مش بتفارقني وانا بتعامل مع اي حد
وياريت تتعلق بيكي وانتي بتتعاملي مع اي حد
حصري ازاي تخلي الناس تحبك. والموضوع 3dlat.net_04_16_c793
طب خلاصة الكلام والحدوتة والحكمة بقي

انتي لو روحك حلوة واخلاقك كويسة ومؤدبة
فأنتي من الاخر يعني ملكة
بس لو انتي مش محبوبة حاولي تشوفي انتي بتعاملي الناس ازاي وهتعرفي
ليه انتي مش محبوبة مابين اصحابك او حتي اهلك
لازم تبقي عارفة ان معاملتك للناس هي اساس كل حاجة حلوة مابينكم
شاركيهم فأفراحهم واحزانهم
ودايما خليكي جدعة معاهم صدقيني هيحبوكي وصورتك هتتحسن عندهم كتيير اوي
حصري ازاي تخلي الناس تحبك. والموضوع 3dlat.net_04_16_c793
لحد هنا انا خلصت كلامي
اتمني انكم تكونو استفدتو من الموضوع
بس طلبي لكل واحدة فيكم
دعوة حلوة ب ظهر الغيب
لأنها مستجابة ان شاء الله
شايفاكي ماشية كدة من غير تقييم
دا موضوع حصري بقلمي يعني.
قيميني يلااا لو عجبك بقي
يلا وسلام واشوفكم ف موضوع تاني
في امان الله ياحبي

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق