ثـــــــقى ف نفسكـــ:)ــــ 2019

السلام عليكم ورحمة الله وبركاته
اللهم صل على سيدنا محمد وعلى آله وصحبه وسلم
الثقه فى النفس

حاجات جميله ومعلومات حلوة علشان تكتسبى صفة الثقه فى النفس
أول حاجه لازم ابتعد عن المقارنه الشخصيه
مقارنش نفسى بحد علشان مسببش لنفسى الإحباط وكده ممكن أكسر ثقتى فى نفسى وثقتى بقدراتى
ولازم تبقى عارفه ان لكل شخص شخصية مستقله بذاتها يعنى المفروض اطلع ابداعاتى وابرزها وأحال أكور من نفسى وهواياتى (ساعتها هحس إنى حاجه)

الإيجابيه فى التفكير
لازم أكون ايجابيه بمعنى إنى ابص لنفسى إنى شخصية ناجحه لان ده هيشجعنى أكتر إنى أعمل حاجه حلوة
ممكن استمع لنفسى (حديث النفس) أقول لنفسى وأقنع نفسى إنى كويسه وأقول لنفسى خليكِ واثقه فى نفسك وأدى لنفسى كلمات تحفيزيهزى(انتِ ناجحه , خليكِ متفائله ,….. أى كلام كويس أحفز نفسى بيه) وده هيدينى طاقه ايجابيه هتساعدنى على العمل بجديه
اشيل من قاموسى الاحباط نهائيا مقعدش أحبط نفسى لان ده هيأثر على أدائى وخليكِ دايما متفائله لان التفاؤل بيديكِ ثقه فى نفسك …ولما تيجى تواجهى مشكله فكرى دايما فى النجاح وإياكِ والخوف من الفشل والتفكير فيه وفى الوقت ده فكرى فى انجاز عملتيه قبل كده ساعتها هتقدرى تتغلبى على مشكلتك لان هتستعيدى ثقتك فى نفسك انك تقدرى تتغلبى على مشاكلك
خليكِ على طبيعتك
خليكِ طبيعيه جدا وبلاش التكلف وااصطناع الشخصيه واكتشفى نفسك وتعرفى على نقاط ضعفك وقوتك
التخلص من القلق والتوتر
لما القلق بيزيد عن حده بيعوقك للتقدم للإمام وبيأثر على ثقتك فى نفسك لو كنتِ خايفه من حاجه معينه تحصل ممكن تكتبيها فى ورقه ادامك وحاولى تفكرى هتتجاوزيها ازاى وتقدرى تخلصى من المشكله دى ازاى
تحديد الهدف
حددى هدفك علشان تبقى عارفه انتِ عايزة ايه وعلشان تعرفى ترسمى الخريطة بتاعتك
علشان اللى ملوش هدف مش هيعرف يرسم طريقه
واعرفى ان الكسل والتواكل على الغير ياتى بالندم
وكونى واثقه فى نفسك ولا تبالى
وطبعا الموضوع ده بالذات الكلام بيكون فيه كتير فانا حاولت اختصر معاكم على أد ما اقدر لان قرأت فيه كتير
وطبعا أى معلومه جديده لازم أفيدكم بيها

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق