تعالى شوفى صورة الولد الجامد دة 2019

عارفين كلنا آية غض البصر .. طب بنطبقها على نفسنا ؟! ولا بنقنع نفسنا أنها أنزلت للرجال بس ؟!
✿ قال الله تعالى : ( قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ * وَقُلْ‫‏ لِلْمُؤْمِنَاتِ يَغْضُضْنَ مِنْ أَبْصَارِهِنَّ وَيَحْفَظْنَ فُرُوجَهُنَّ )
═ ═ ═ ═
☆ غض البصر لينا احنا كمان برده مش للرجال بس
زى ما حرام الرجاله تبص على الستات .. حرام عليا انا كمان أبص عليهم
زى ما حرام عليهم يشوفوا الافلام والمناظر البشعه اللى فيها حرام عليا انا كمان اشوفها
═ ═ ═ ═
☆ دة انا حتى بنوتة مفروض يبقى عندى حياء وخجل

الحياء شعبه من شعب الايمان اى لا يكتمل الايمان بدونه
═ ═ ═ ═
☆ النبي صلى الله عليه وسلم قال: يا علي لا تتبع النظر النظرة، فإن لك الأولى وليست لك الآخرة. رواه أحمد والترمذي وأبو داود.
يعنى مباح النظرة الاولى اللى بتيجى فجأه ..
═ ═ ═ ═
☆ مش أبص على حد ساعه كانى هاخدله صورة أقول اصل انا اتفاجئت ودى نظرة اولى ..
ولا اشوف صورة ممثل وأقعد اتفرج عليها ساعه ..
مش بس كدة !! واوريها لاصحابى او احطيها على الفيس وناس كتير تشوفها وتعجبها وتقعد تتفرج عليها وانا اخد ذنب دة كله
مش كفاية الذنوب اللى عندنا !! هنتحمل كمان ذنوب غيرنا !!
═ ═ ═ ═
☆ طب ترضى يا زهرة ان يتقال على عينك بتزنى !!تعالى شوفى صورة الولد الجامد icon9.gif
الرسول بيقول في حديث العين تزني وزناها النظر …. الى أخر الحديث

═ ═ ═ ═
☆ البصر دة نعمة كبيرة اوى كتير مش حاسين بيها والله
فى غيرنا كتير محروم من النعمة ديه وبيتمناها
═ ═ ═ ═
☆ حافظى على النعمة دى وصونيها لانها ملك للخالق ..
✿ قال تعالى : حَتَّىٰ إِذَا مَا جَاءُوهَا شَهِدَ عَلَيْهِمْ سَمْعُهُمْ وَأَبْصَارُهُمْ وَجُلُودُهُم بِمَا كَانُوا يَعْمَلُونَ
لو كانت حاجة ملكك ماكنتش تشهد عليكِ يوم القيامة
لكن ديه ملك ربنا .. واجب علينا نحافظ عليها ونصونها ونشكره ونحمده كــــــــتير عليها ..

═ ═ ═

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق