بــــــــــــــــــــــدري عليك

بــــــــــــــــــــــدري عليك

السلام عليكم

قرات هل القصده لشاعره المعروفه هديل العلي
فاحببت ان انقلها لكم

ترى الكلام اللي حكيته وصلنــــــــي ***** وياللأسف مدري وشلي جـــــــــرالك

شلي جرى لعقلك يفكر يضـــــرني ***** أنا أهينك وابتعد عن مجـــــــــالك

أنا صحيح إني صغيرة بسنـــــــــــي ***** بس انتبه حبي ترى حيل هـــــــــــالك

لا لا تخليني أحطك بظنــــــــــــي ***** والله لعزي فيك عمك وخـــــــــالك

دام العذاب فنون اخضع لفنــــــــي ***** عندي العذاب أشكال ماهي فبــــــــالك

نصيحتي إبعد بعيد وخلنـــــــي ***** اخترت أنا الفرقا وبنهي وصـــــــــالك

أحذرك ماهو بتهديد منـــــــي ***** ماينفعك لو قلت كلي حـــــــــلالك

شفتك قدرت تعيش عني متهنــــــــي ***** لا ذكرته قلب عزك وشــــــــــالك

ماأقنع بكذبك ولا هو يهمنـــــــــــي ***** تكذب على نفسك وتتبع خيـــــــــالك

لاتعتقد إني أصدق تحبنــــــــي ****** حتى عيونك تفضحك وانفعـــــــــالك

بدري عليك إنك تهين وتذلنــــــــي ****** أنا عزيزة نفس والذل فـــــــــــالك

إعشق منو تعشق ترى ما تحرنـــــــــــي ***** أنا لقيت اللي يحبني بــــــــــــدالك

وإذا لمحت الهم بعينك يسرنـــــــــي ***** تبعد عن العالم وعايش لحــــــــالك

تذكر كلام قلته العام عنــــــــي ***** منت اللي قده وأحسن اللي جـــــــــــرالك

الوسوم
إغلاق
إغلاق