بس بس ايوة انتى ادخلى كدا وقوليلى رأيك 2019

السلام عليكم
الحمدلله والصلاة والسلام على رسول الله وعلى آله وصحبه أجمعين
ازيك ياقمرايه منك ليها
وانا قاعده فاضيه كدا جاتلى فكيره خير اللهم اجعله خير قال ايه عاوزة اكتب موضوع فقمت جرى وجتلكم يلا اقرأو وعاوزة اراء
وعلى رأى رمضان مبروك ابو العلمين حموده دى اراء اراء
بسم الله الرحمن الرحيم
بصو بقى ياحلوين هنتكلم عن ايه
هو احنا كنا بنقول ايه
اه
افتكرت
بصى يافوزيه منك ليها
انا هتكلم عن حاجات كدا يعنى ياريت تعمليها لجوزك بس بالله عليكى تعمليها بنفس ماشى
قولولى نعمل ايه يعنى
اقلك ياقمر
اولا
فضلا وليس امرا ياريت تصحى قبل زوجك ميصحى علشان يعنى الشعر الرائع اللى منظره بيبقى عامل زى المسامير لما بتبقى واقفه كدا قومى كدا وظبطى نفسك ياريت تاخدى شور وتتبرفنى كدا من البرفانات الموجوده منظر عند المرايه
ثانيا
قومى كدا زى الشطورة واجرى على المطبخ وحضرى الفطار ياريت تعاملى زوجك على انه ضيف عندك يعنى بلاش العيش يبقى فى الكيس يعنى حطيه كدا فى طبق مفرود حتى يعنى بلاش الكيس ابوس ايدك
وياريت لو انتى مثلا بتحبى ف الاطباق يبقى عندك طبقين خاصين بيكى انتى وهو ياسلام يعنى حاجه سهله انزلى عند اى محل ابو 2.5 دا واختارى طبقين يبقى ليكى وليه
وابدأى بقى فى تحضير الفطار يعنى حاجات خفيفه كدا
مش معقوله يصحى يفطر رز ولحمه
لا خليكى خفيفه اعملى اوملت او يبقى مثلا عندك جبن يعنى حطى منهم على السفرة كدا وظبطى المسأئل
ثالثا
وانتى بتصحيه بلا ش اسلوب قوم ياابو العيال الاكل جاهز
لاء ايه رأيك كدا لو تعطرى ايدك وتلعبيله فى وشه ولا بوسه كدا عالماشى ولما يصحى اجرى انتى بقى وقوليله الفطار جاهز ياحبيبى ولا الفطار جاهز ياشهريار عملتهولك بايدى دى ياريت يعجبك طبعا من اسلوبك الشيك دا هيبوس ايدك ويقولك تسلميلى ياحبيبتى
رابعا
ياريت بردو وهو بيلبس ياريت تساعديه يازليخه منك ليها يعنى هيلبس بدله ساعديه فى ربط الكارفته لبسيه الجاكيت يعنى زى كدا
خامسا
وهو ماشى للشغل تدعيله يعنى ربنا يوسعها فى رزقك ويرجعك ليا بالسلامه
وكمان هتوحشنى ياحبيبى متتأخرش عليا وكلميه اطمنى عليه لما يوصل الشغل
سادسا
اقولك الحقيقه انا عن نفسى بصحى متأخر فانا بيتهيقلى بعد كل اللى هعمله دا هدخل انام تانى ههههههههه اصل السرير هيوحشنى
ظبطى المنبه انك مثلا تصحى بعد ساعه ساعه ونص كدا قومى بقى خليكى فراشه نضفى شقتك وجهزى الغدا وياريت وانتى بتنضفى على الاقل كل اسبوع اسبوعين يعنى غيرى فنظام الشقه
لان الروتين يجيب ملل
ماشى يابنوته منك ليها
سابعا
بعد ماتخلصى جرى تغيرى هدومك والبسى حاجه جديده غير بتاعت الصبح بلا اول ميجى يلاقى شعرك منعكش ويلاقى ريحتك ايه مشعشعه طبعا جابه من اول الشارع ريحه بصل وتوم بقى ويفتح الباب يلاقيكى ماسكه السكينه وبتعيطى على البصله اللى بتقطعيها لاء حاولى تخلصى طبيخك قبل مايجى وياريت تتفقى انه يتصل عليكى وهو ف الشغل يقولك انا هطلع من الشغل اهوة تقومى مجهزة نفسك ليه بقى وابتسامه حلوة كدا وحمدلله على السلامه ياحبيبى
ثامنا
بلاش اول مايدخل ولادك عملو وعملو
تاسعا
جه جهزيله الحمام ياخد شور وبعدين اتغدو بقى وانتى بتتغدى لو انتى نفسك زوجك يأكلك وهو مش واخد باله
اكليه انتى هتلاقيه ردهالك على طول
عاشرا
طبعا جاى تعبان من الشغل سبيه ينام شويه وبعد مايصحى اقعدى بقى معاه واكلمو سوا وياريت وانتى بتتكلمو يعنى نامى على كتفه واسمعيله كويس يعنى متقطعيهوش ولو وهو بتكلم انتى افتكرتى حاجه واضطريتى انك تتكلمى يعنى لو لسه مخلصش قوليله كمل ياحبيبى معلش مكنش قصدى اقاطعك
الحادى عشر
ياريت تبقى تفتكرى المناسبات وكل مناسبه ويبقى ليها شكلها المختلف عن الاخرى
الكلمتين دول للرجاله بقى يعنى هو كل حاجه علينا احنا بس
بص ياسى السيد
طبعا ساعات الزوجه بتبقى تعبانه يعنى ممكن تيجى من الشغل متلاقيهاش طبخت ايه هتضربها وتشخط فيه لاء اول مايجى فى بالك افتكر انك كنت بتلاقيها محضرالك الغدا كل يوم مجتش على النهارده قولها وماله ياحبيبتى طيب انا هجيب اكل وناكل سوا ولا تحبى نخرج نتغدى بره؟
دى حاجه هتسعدها اوى
وانت جاى فى مرة من الشغل ولقيت محل كدا فيه حاجات ممكن تروح تجبهلها هديه وانت مروح وتبقى مفاجأه متعرفش تأثير الهديه دى عليها هيكون ازاى حتى لو ورده دا هيسعدها قوى ولو حتى توكه والله بتفرح اوىلانها بتقدر انك افتكرتها كفايه انك اختارتلها الحاجه دى
وانت كمان ياريت تفتكر عيد ميلادها عيد جوازكوا ولو هى خرجت فى مرة ابقى اعمل انت العشا الرومانسى على ضوء الشموع واهى تبقى مفاجاه ليها وتغير فى الروتين
وفى الختام سلاااااااام الله عليكم ورحمته وبركاته

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق