اعاهدك

تقول اعاهدك باللى بقا لى من هوا عمري

بأني لك علي طول الزمن لاينشغل بالك

أهيم بعالمك مثل الطيف اللي غدت تسري

واللى منك طلبت القلب لقيته ينبض قبالك

تكون البلسم الشافي عسى الله يكثر امثالك

غديت ابدنيتي واحد ولاغيرك احد يطري

لك الله صرت في نبضته خفوقي ساكن ومالك

وسولف للقصيد اللى كتبته في ذرا جالك

تمايل بك ضلوع تنتشي طيفك على صدري

صحيت ابطاري انفاسك كما طير صحى بدري

ونسناس المحبه مرني ينشد عن احوالك

لقيت ان الزهور اللي تراقص من فرح عطري

تحاول تكتب بقطره ندا محضر بأقوالك

تفضل قول باسم الله مدام الحبر يجري

تعال ابصم قبل يبرد علينا حر فنجالك

ابك توثق اقوالك مدام ان العهد مغري

قبل تنشف مواعيد الحروف وينشغل بالك

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568
إغلاق
إغلاق