اذاي تذاكري المواد في الشتاء ؟ 2019

ازيكم يا حلوين

كلامنا النهاردة عن استعدادك لامتحاناتك في فصل الشتاء

اللي هو بيبقى صعب فيه المذاكرة و التركيز

و ده بسبب تأثير البرد طبعاهههههههههه

هنتكلم عن اربع عوامل اساسية في استعدادك للمذاكرة

1_ طرق المذاكرة و جداولك

2_اكلك ايام الامتحانات و الشتاء
3_التدفئة اثناء المذاكرة
4_ اهم العوامل (هتعرفوه في الاخر)
————
1_ طرق المذاكرة و جداولك
بصي يا ستي
اكيد طبعا انك هتخلصي المناهج قبل امتحناتك بشهر او 20 يوم كدة
طب خلصتي المناهج هتعملي جدول مراجعة
هتكتبي فيه كل يوم لحد يوم امتحانك هتعملي ايه في مواد هترجعيها و في اللي هتحلي عليه على طول على حسب المواد الرخمة اللي عندك
طيب عملتي الجدول لازم تدوري على مكان مناسب للمذاكرة في الجو التلج ده
هتقولولي على السرير ههههه لا يا بطة مش ده المكان المناسب انا كنت بذاكر على السرير لكن ايام الامتحانات لازم تركزي فهتذاكري على المكتب و لو معندكيش يبقى على اي ترابيزة المهم تبقى قاعدة مش نايمة
المكتب يبقى في اوضة هوس هوس مفيهاش دوشة و النور يبقى ساطع عشان متناميش اصل الجو ده بينيم تبقى الاوضة بربرق كدةهههههههه
طب خلصنا من المكان نيجي بقى للوقت
يستحسن يبقى المذاكرة على الضهر كدة او بعد العشا لكن متذاكريش وقت المغرب عشان الوقت ده بينيم و أسألي مجرب ههههه
————
2_اكلك و شربك ايام الامتحانات و الشتاء
هتهتمي جداا باكلك كمان و خصوصا و جبة الفطار
و غذاءك يبقى متوازن يكون في بروتينات (في اللحوم) و الكربوهيدرات (الرز _ المكرونة _ الحبوب)

ابعدي عن المنبهات لانها ليها تأثير سلبي على المخ اشربي كوباية لبن سخن قبل ما تنامي احسن و كلي شوكلاتا عشان بتساعدك على التركيز و الحفظ
————
_التدفئة اثناء المذاكرة

إقراء أيضا  من هو الشخص الذي لا تستطيع نسيانه ؟؟؟ 2019

لازم ثم لازم تدفي كووويس جدا اثناء المذاكرة عشان تركزي
بس مش هتاخدي اللحاف معاكي المكتب هههههههه
لا البسي تقيييل جداااا و البسي شراب طبعا و شغلي الدفاية و لو معندكيش يبقى اقفلي اي حاجة تجبلك هوا اه الخنقة احسن من التجمد
و لو مضطرة انك تروحي المدرسة البسي جاكت بس يبقى لون الزي المدرسي و طقية لو مش محجة و جوانتي و الذي منه
ادفي بكل الطرق الممكنةالمهم متخليش البرد يأثر على استعدادك للامتحانات
————
4_ اهم العوامل
و اللي هو قربك من ربنا خصوصا في الوقت اللي محتاجاه فيه جدااا ايام الامتحانات متسبيش فرد و اوعي تقوليلي بكسل اتوضى في البرد في اختراع اسمه سخان اوعي تقوليلي بذاكر الصلاة اهم من كل حاجة و ممكن تتبرعي بهدومك اللي مش محتاجاها لناس بجد محتاجاها في البرد ده

و ادعي اثناء الشتا الدعوة مستجابة
————
طولت عليكم معلش
يااارب يرزقنا كلنا بفرحة النجاح يااارب

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق