أيه دا ؟ أنتي كمــان عندك 13 سنة؟؟ ادخلى بسرعه 2019

بصراَاحَـة ,, أنا أول ما تميت 13 سنة

كنــت عَمـالة اعمل سيرش واكتب انا عنــدي 13 سنة

…¤¸¸.•´¯`•.¸•..>هبل بقي بعيد عنكم«–<<..•.¸¸•´

كنت عــاوزة يطلعلي أي حاجة عن سني دا كنــت مبسوطة أويي 😀

ولما جيــت هنا بقي قلــت أكيد في هبل زيي كانو بيعملو كدا

قلت أقلكم بقي كل حاجة عن السن دا

﴿ بسم الله الرحمن الرحيم ﴾

شوفي يــا قمر
عارفة 13 سنة يعني أيه؟؟
يعني أول سنة ف المراهقة يعني خلاص ودعتي الطفولة و بقيتي كبيرة
وكل كلمة بتتحسب عليكي من النـاَاس
وأغلب البنات بتبلغ ف الســن دا
فا كمــان بقيتي بتتحاسبي من ربنا

––––•(-••-)•–––– ––––•(-••-)•––––
شوفي بقي سن المراَهقة دا الي بتبدأ مشاعرك فيه تجاه الناس تتغير

وبدأ فكرك يكبر كمان

هتلاقي طبعا الي بتقولك انا بحب دا وانا بكلم دا وانا وانا وانا وانا

طب هقولك علي حاجة

أولا : الاعجاب دا مش بأيدك زي ما قلت مشاعرك بتبدا تتغير عشان كدا
سموها مرحلة المراهقة ومش هقولك عيب
لكن العيب فعلا أنك تطاوعي الشيطان وتكلمي ولاد وتعدي تتباهي أدام زمايلك وصحابك
انك بتكلمي دا ومصاحبة دا ,, ودا بقي مش هتتحاسبي عليه من الناس
لا دانتي هتتحاسبي عليه من ربنا كماَان وشوفي أنتي بقي
وطبعا هتلاقي الي بيكلمو دول ماماهتهم مش عارفة
فا مبالك ب ربنا بقي … خافي ربنا قبل ما تخافي اهلك عشان ربنا عارف كل حركة انتي بتخطيها

––––•(-••-)•–––– ––––•(-••-)•––––

ثـانياً : تعالي بقي نتكلم حبة عن الموضة واللبس الي طالع اليومين دول
الا قوليلي , وانتي داخلة جامع وهتصلي بتلبسي اسدال او جيبة ليه؟؟
اقولك انا ليه ,, عشان انتي مينفعش تقفي ادام ربنا بلبس الي مبين اقل تفاصيل فيكي
طب لما انتي عارفة كداَ بتلبسي اللبس دا ليــه ؟ وتدايقي اوووووي لما تلاقي حد بيعاكسك
الله! طب مانتي الي جبتيه لنفسك انتي عارفة انك مينفعش تقفي باللبس دا ادام ربنا
يبقي ماشية بيه ف الشارع ليه ؟ ما ربنا شايفك بردو

––––•(-••-)•–––– ––––•(-••-)•––––
ثالثاً : الحجاَب بقي ,, مبدأيا انا مش محجبة بس انشاء الله ف الطريق
هقولكو بقي علي نظرتي للبنات المحجبة الي مشيالي ف الشارع
بقبة اد راسها مرتين ومبينة نص شعرها ولبسها أكنه مش موجود دي
طب انتي لابسة الحجاب ليه طيب؟ ما لبسك زي ما هو شعرك الناس شيفاه بردو
القبة الي بتعمليها مخلية منظرك وحش جدا والناس كلها تتكلم عليكي بلسوء
وف الاخر تقولك موووووضة موضة ايه موضة ازاي يعني
هو انتي لابسة الحجاب موضة؟؟ لقيته شكله حلو علي لبسك فا لبستييه؟
ما يا حجاب بجد يا بلاش احسن انا بشوف بنات مش محجبين ولبسهم محتشم
10000 مرة من واحدة محجبة
وزي ما فيه هيقولوك شكلك تحفة وكوول وحجات من دي
100 واحدة هتتكلم عليكي وتقول شوفي المنظر الي هي عملاه ف نفسها دا

––––•(-••-)•–––– ––––•(-••-)•––

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق