أقولك على حاجه بس متتخضيش((فى حاجه اسمها استئذان))اه والله زمبئولك كده2019

السلام عليكم و رحمة الله و بركاته
اهلا اهلا بالقمرات الحلوين
ياااارب تكونوا في احسن حاال

ادعــــولـــــــي
يااارب يوفقنا اجمعين

طولت عليكم عارفة يلا ندخل في الموضوع بقى

موضوعي النهاردة عن الاستأذان زي ما مكتوب في العنوان طبعا بما اننا في المدارس ممكن تستلفي او تاخدي حاجة من صحبتك
طب بتستأذني و لا لا؟انا متأكدة من ان زهراتي الحلوين بيستأذنوا
بس لو مكنتش صاحبة الحاجة موجودة يعني افرض هى راحت في حتة و حاجتها على الديسك مثلا
هتقوليلي كدة كدة هى مش هتمانع
لا بردو يا زهرة لازم تستأذني
ممكن تكون هى محتاجة الحاجة دي بعد ما ترجع و لو ملقتهاش ممكن تزعل جدا
و تبقى انتي حرامية بالنسبة ليها
مفيهاش حاجة انك تستنيها لما تيجي و تستأذني منها و طلاما انتي عارفة انها مش هتمانع يبقى أستأذنيها و هى فعلا مش هتمانع

طيب نعكس الادوار
لو انتي روحتي التويلت مثلا و رجعتي ملقتيش حاجتك على الديسك و لقيتيه مع واحدة زملتك بتستخدمه
حاجة تنرفز مش كدة
بس انتي بكل زوق و احترام هتسأليها خدت حجاتك ليه
و تفهميها انها لازم تستأذنك و تستناكي لحد ما ترجعي
مش تهبي فيها مرة واحدة

و انتي اكيد مش هتمانعي ان زميلاتك يستلفوا منك حاجات طلاما هيستأذنوكي

و اخر حاجة
خليكي كاملة متكاملة معاااكي كلل الحاجات
و متديش فرصة لنفسك انك تنسي حاجة
و سليفي لزميلاتك متبقيش بخيلة
بس لما يعدي حدوده اعرفي انهم بيستغلوكي و ساعتها لازم تخدي موقف و يبقى عندك شخصية
متخلهمش يستغلوا طبتك

كفاية عليكوا كدة قبل ما ماما تقفشني

ذاكروا كويس بقى
يااارب ينجحنا كلنا
متنسوش التقييم و الرد و الدعوة الحلوة و الا
مع السلامة
دمتم في رعاية الله

الوسوم
عزيزي الزائر اذا كان لديك اي سؤال او اي استفسار يمكنك مراسلتنا عبر رقم الواتساب 0993817568

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق
إغلاق