كلمات عن المدير والسلطة , كلام عن المدير والسلطة

يا مديري وش بلى طبعك معاي ===ليه أنا بالذات قاصدني قصد
ليه أشوفك دايماً تركض وراي === شايلْ بقلبك عليّ كومـة حقد
دايماً تسأل عليّ رايح وجاي ===ما كفاك الخصم وش تبغى بعد
مخْلصٍ لك بعْملي وهذا جزاي === والزياده بين عثمــان وحمد
تذكر أيام الكفالــه ابهونداي === في شـهر واحد من يوم الأحد
وقتها بالصبح نسمع هاي هاي === آه لـيه اليوم تجـحدني جحد
شوفني مرضان مع كيسة دواي === والعـيون القشر مليانه رمد
يا مديري لا تخيّب لي رجاي === كومـة البزران عندي بالعدد
يا مديري لا تسبب في شقاي === نترك المـكتب ولا نرجع أبد
كلها سنتين نرحل باي باي === وقع ترقيتي ولا اعـــلم أحد