كان لكـ قلبي مدينه ولآحظ إني قلت : ((كآن)) …….

ماتغيَّر شي .. بغيابك .. إلا أن صآر فاضي هالمكـآن
يقصد إنتَ شفت قلبي طحت مِنْ عيني وعينـه

كان لكـ قلبي مدينه ولآحظ إني قلت : ((كآن))
يقصد إنتَ الحين وآحد ((خآرج حـدود المدينه))

ليه مستغرب كلامي وليـه أعطيـكـ الأمـآن
وليه تَكْذِب في كلامكـ العـذر وينـكـ ووينـه

ما ألومكـ كان قلبـكـ ثـآرت أموآجـه وخـآن
الخطــأ منَّي لأني صرت فـي بحـركـ سفينـه

والسؤآل اللَّي كتمته ومآ نِطَـق فيـه اللسـآن
كيف إيدكـ إطعنتني وآنا أحْسِبْهَـا أمينـه ..؟

جرحي مآ يرضيه قلبكـ لو يجـي كلِّـه حنـآن
لو تبــوس الجرح فيني ولـو تقبلهـآإيدينـه

يُوم أحبكـ قلت كلمه : ( يكرَم المرء أو يُهآن )
وإنتَ قلبي مآ كرمته ومآ قدرت إنِّـك تهينـه

( عزِّتـي ) .. ما هي جديدهـ آنا شامخ من زمآن
إغسل إيدكـ من رجوعي وروح يا إبن اللذينه

طآب خآطر قلبي منِّكـ وهذي الفرقـى رهـآن
وحتَّى لو قلبي يحبـكـ ربِّـي بفرآقـك يعينـه

تدري لمآ قلت أحبكـ قلت ومآ عنـديضمـآن
وإختيآري كآن خآطىء تجربه بالحيـل شينـه

كنت إجتياز وكنت أسآمح مرَّهـ مرتين وثمـآن
أدمح الزله عشآنكـ وأكتـم أنفـآس الغبينـه

كنت أحبكـ وكنت أعزك والغلآ فينـي جبـآن
أخاف تزعل لو ألومكـ ضعت مآ بينـك ـوبينـه

في عيون النآس عآدي بس في عيني جنـآن
وكآن قلبي من يشوفكـ تفضحه نظـرةحنينـه

مآني أوَّل من يحب ومنتَ آخر فرد خـآن
المحبه في زمآنكـ بحـــرهآ من غيـرمينـه

الفشل .. كآن النتيجه وأعتقـد آن الأوآن
أبني مستقبل حيآتي وأنسى قصتنـآالحزينـه

وخطوتي الأولى غيابكـ ورآح أطبقهآ عشـآن
ينتحب قلبكـ لآ فقدني والندم .. يملـي سنينـه

جآي تسأل عن مكآنكـ !! هوبقى فيني مكآن ؟؟
الله يرحمهآ المشآعر اللي كآنت لـك ـرهينـه

قلت لكـ قلبي (مدينـه ) فيهآ لكـ حشمه وشآن
إلا أن إنتَ الحين أغرب فرد في تلك المدينه