..’’_::|::(( إنـفــ’ـــلـونزا الــ حُ ـــب ))::|::_’’..

..’’_::|::(( إنـفــ’ـــلـونزا الــ حُ ـــب ))::|::_’’..

الـ ـسـ ـلام عـلـ ـيـ ـكُم ورحـ م ــة الله وبـركـ ـاتـ ــة

سـبـحـان الله ما أسـرع الـتـطوّر .. وما أسـرع الـتـورط .. سيان لافرق بينهما سوى في تركيب الحروف..!!

زمان .. أقصد على زمن جدتي ( رهف ) في الستينيّـات .. كان الحُب جريمة يحاسب عنها اللي يخوضة ويجربة ويدخل في دوامتة..!!

كانت جدتي ( رهف ) تقولي: كان عيب البنت تجلس بـ( شبّـة ) الحريم وتجلس تسولف عن الحُب .. وعيب لما الواحد يجلس بمجالس الرجال ويسولف عن الحُب .. تشوف نفسكـ محط إضحوكة ونـقـد للموجودين .. وأوّل واحد هو أبوكـ يهفكـ بترمس الشاهي على جبهتكـ .. وتلقى كل اللي موجودين يتحمّدون ربّـهم على العقل..!!

وتقول ( رهوفه ) الله يسلمها … زمان كنـّا مانعرف الحُب إلا عن طريق المسلسلات المكسيكيّـة والأفلام على ( mbc2 ) .. وكنـّا نجتمع أنا وصديقاتي عن صديقتنا ( منيرهـ ) – الله يرحمها – بالحارهـ لأن عندها سَـيْـنـما في البيت وخاشتها عن أهلها..!!

وهذا الكلام على ذمّـة جدتي ( رهف ) مو منـّي هالكلام

دقيقة وش يبي ذا..!! بررب .. معي تلفون من صديقي ( إبراهيم ) .. أبيه يمرني على شان عندي أشغال بقضيها وبرجع لكم .. مو تخبرون إن هالأيام الدنيا مصالح..!!

بااااااااااااااكـ <<<<<< احلى1 ض12 <<<<<<< ذابحة شات hالزيــن

ايه وش كنـّا نقول..؟!
والله مدري .. ولا فيني حيل أطلع فوق وأقرا وش كتبت..!!

تدرون .. خلاص نطرح موضوع جديد
طيّب طيّب .. خلاص لاحد يدوف :074: تذكرت وش كنت أقول

ايه .. وتقول كانوا أهلنا يخافون علينا من ( إنفلونزا الحُب )

لكن الحين المرض أنتشر علنا ً ..!! وصاروا الشباب يتفاخرون بسوالف الحُب .. خصوصا ً لا قال الواحد أنا مشبّـكـ ( 10 ) بنات .. تلقى أخوياهـ ينقهرون منـّـه ويبدون بالتنافس على جمع أكبر عدد من البنات..!!

هذا بالنسبة للشباب .. أما البنات يووووووهـ عد وأغلط .. تلقى البنت تستانس لا لفت نظر شاب .. تحس إنها مزيونه وهي في الحقيقة إضحوكة :shocked: وتروح تسولف عند صديقاتها بهالسالفه .. وتلقى خويّـاتها ينقهرون منـّها ليش إنها طلعت إضحوكة .. كح كح .. عفوا ً أقصد مزيونه ويبدن في عميلة لفت أكبر عدد من أنظار الشباب..!!

وتلقى كل شخص ( سواءا ً بنت أو ولد ) حاطـ(ـهـ) لكل حبيبـ(ـهـ) نغمة خاصة على شان يفرقون بين حبايبهم .. ويصيرون قدامهم مخلصين ووفيين لهم .. سم الله عليهم :087:

المُهم .. إنتشر هذا الداء بشكل فظيع مابين ( مُمكن نتعرف ) و ( خذي الرقم ياحلوهـ ) :069: لدرجة إن وزارة الصحّـة العربيّـة ككُـل .. أرسلت برقيّـة طلب نجدهـ لوزارة السودان تقول فيها: (( نبي أكبر عدد مُمكن من المُضادات لهذا الداء .. بما إن حريمكم ورجالكم يبطون عظم يلفتون الأنظار )) :spying2: ردّت وزارة السودان عليهم وقالت: (( أعذرونا الكميّـة الي عندنا يالله تكفي لسد إحتياجات مواطنينا من الزولة والزولات ))..!!

المُهم .. الوضع بدا يخوّف في العالم العربي .. وعلماء العرب عندنا حاولوا ولكن ما أستطاعوا .. لأن في النهاية صعبة يوفرون مُضادات تكفـّي جاحة المُجتمع .. بما إن الرجل يحب ( 20 ) بنت وفي الآخير زوجته مو من ضمنهم..!! والبنت تحب ( 9756314245 ) رجل وفي الآخير زوجها مو منهم :087:

ولا أخفي عليكم ومالكم بالطويلة .. إجتتمعوا العلماء (( وأنا كنت معهم )) .. وطرحت عليهم حل وهو السبيل الوحيد للقضاء على هذا الداء الخطير .. وهو (( أن على كل شخص مُصاب بهذا المرض .. أن يواجة مشاعرهـ فيما يُحب .. قبل أن يوجهها لمن يُختار أو يُحب ))

بـقـلـمي ^_^ .. وترى جدتي مالها دخل بالموضوع
راز هـ وجهها بس كذا خخخخخخخخخخخخخخخ

كل الـــود

°¸ღ¸ تكـفـينـي الـذكـرى¸ღ¸°